Diaranson pasa Boneiro tabatin su eleccion y e resultado di eleccion tin su procesonan cu mester tene cuenta cu ne cu lo mester cana pa valida e resultado di eleccion. Segun Gezaghebber interino Nolly Oleana dia prome di januari ultimo e ley di votacion a cambia unda cu tin cierto adaptacion. Esaki ta pone cu riba e dia di eleccion ta duna un resultado pre liminar cu ta duna mas of menos un bista di e cantidad di votonan valido pa partido. E siguiente dia ta presenta un otro grupo cu ta yama nan mes e centrale telling cu ta haci un di dos control.
Riba e dia di eleccion ta un conteo des central tin unda cu esun cu ta responsabel pa e conteo di voto ta conta e voto, esaki ta trata conteo di e votonan grof.
Despues di e parti aki tur e stembiljet ta bay na un oficina y den e oficina tur voto ta keda conta di nobo y asina ta haci e chekeo riba votonan valido, esaki a keda haci dia 16 di maart ultimo unda cu a duna un resultado pre liminar.
Pa ta specifico e conteo di dia 15 maart ta conteo pre liminar pa conteo pa partido y esun di diamars ta pa un resultado pre liminar pa partido y pa candidato.
Despues di e parti aki lo revisa un biaha mas riba papel unda cu mester yena diferente formulario. Segun Gezaghebber interino na momento cu yena e formularionan aki por tin cierto erornan administrativo cu por sosode, pero na momento cu e constata nan a corigi tur. Abase di corigi tur loke cu a bay robes administrativamente, awe 23 di maart 2023 ta e dia stipula pa duna e resultado oficial di eleccion 2023 di Boneiro.