Promé Minister di Kòrsou sr. Rhuggenaath a hiba kombersashon ku Minister di Asuntunan Eksterior i CARICOM, Dr. Amery Browne, di Trinidad & Tobago.
Durante nan kombersashon a papia prinsipalmente tokante kon aserká e problemátika di migrashon Venezolano, interkambio di ‘best practices’ den e kuadro akí i kon e dos paisnan por kolaborá ku otro tantu di forma bilateral komo riba tereno regional.
Tambe Promé Minister Rhuggenaath i Minister Browne a papia tokante e situashon di COVID-19 den ámbos pais, e aserkamentu di esaki i kua ta e espektativanan na e momentu akí. A klousurá e kombersashon, ku a dura mas ku un ora, ku e promesa pa bishitá otro su pais asina ku esaki bira posibel atrobe.
