Local

Prome Minister Evelyn Wever-Croes: Gobierno ta gradici tur empleado publico cu tawata solidario durante e pandemia covid-19

Gobierno Ta Gradici Tur Empleado Publico Cu Tawata Solidario Durante E Pandemia Covid 19

Hunto, den union y positivismo, nos lo sigui recupera

Na aña 2020, despues cu e efectonan devastador di Covid 19 a dal Aruba tambe, y medidanan di precaucion pa evita cu e pandemia bira mas desastroso pa nos ciudadanonan mester a tuma luga, nos pueblo a mustra solidaridad un cu otro. Un pandemia cu, apesar di a laga nos den crisis financiero, el a uni nos como pueblo. E pandemia a mustra nos e forsa di union y danki na e union aki, y danki na e amor y solidaridad un pa otro, nos a logra surpasa e peor crisis mundial den historia di nos pais.

 Den nomber di Gobierno di Aruba Prome Minister Evelyn Wever-Croes ta gradici cada ciudadano di nos pais cu di un manera of otro tawata solidario durante e pandemia. Un gratitud enorme na cada empleado publico cu a sa di entrega na e momento cu no tawata facil pa e mayor parti di nos comunidad, especialmente, esnan den sector priva cu a perde trabou of mester a bay cas cu salario reduci, como esnan mas vulnerabel den nos comunidad.

 “Pero cu e determinacion y dedicacion cu nos Arubianonan tin, nos a sa di recupera fuerte.

Awe nos turismo ta kibrando tur record, desempleo ta bahando, nos economia ta recuperando, e no ta unda nos ta desea, pero bayendo hopi bon despues cu Gobierno mester a cera frontera na aña 2020. Den Gobierno nos por mira un sinergia di union, positivismo y dedicacion. Ministernan trahando hunto pa Aruba ‘bounce’ bek mas fuerte y resiliente. Nos meta ta pa diversifica nos economia, crea oportunidad pa trabounan pa tur ciudadano y sigui traha riba un finansa resiliente.

 Ta den union so nos lo logra nos meta final, un Aruba stabiel. Gobierno di Aruba lo sigui na mesa cu Hulanda pa fortifica e relacion, nos lo tin nos diferencianan pero semper un trato di respet pa otro. Gobierno tin un compromiso solido cu Aruba, un compromiso pa traha duro y incansablemente pa recuperacion di nos pais”, Prome Minister Evelyn Wever-Croes a enfatisa

 

Related posts

Chens te prome di november 2020 pa paga multa di toque de queda

EA News Author

Pronostico di tempo diabierna 27 di januari 2023

EA News Author

Santa Rosa tin stock nobo di varios producto

EA News Author

Leave a Comment

Whatsapp Message