E siman aki prome minister di Sint Maarten Silveria Jacobs, minister di TEATT Ludmila de Weever, y un delegacion cu ta inclui ministerio di Salud Publico a participa den un reunion di cooperacion cu Préfet Délégué di St. Martin & St. Barths Serge Gouteyron hunto cu Secretario General Julien Marie y Agencia Regional di Salud (ARS) su director territorial Paul Guibert pa discuti medidanan cu cada un ta tuma pa sigura salud publico den cuadro di COVID-19.
Ambos delegacion a discuti e status di COVID-19 na ambos banda di e isla y areanan unda cu por sincronisa e medidanan pa mehoracion. Protocolnan di salud, testnan, restriccionnan dio biaha como resultado di e variantenan di COVID-19 y orario di cierre di negoshi, como tambe medidanan pa descurasha aglomeracion di hende tabata tema di discusion.
Durante e reunion, prome minister Jacobs y minister de Weever por a informa di decisionnan tuma door di Conseho di Minister pa cancela carnaval y Heineken Regatta pa 2021 na interes general di salud di tur residente- y bishitantenan. Esaki a tuma luga despues di consulta cu diferente stakeholder.
Tambe e prome minister a informa di e testnan masivo encabesa pa CPS cu ta tuma luga via e Sistema di drive through cu a cuminsa dia 11 di januari, pa tur miembro di comunidad.
Préfet Gouteyron a expresa cu ARS a raporta un cifra averahe similar di casonan positivo pa dia na e parti Frances di e isla. Minister de Weever tambe a sigura cu e aumento di controlnan y esfuersonan ta wordo haci pa sigura cu tur hende ta cumpli y brinda siguridad na tur hende.
Préfet Gouteyron y su delegacion tambe a haya un update di e preparacionnan di gobierno pa cuminsa cu e vacunacion contra COVID-19 cu lo mester yega memey di februari. E plannan cu ta bou guia di un taskforce di Ministerio di Salubridad Publico lo sigura cu Sint Maarten ta bon prepara unabes cu e vacunanan yega, pa cual ta hacienda un campaña.
Prefèt Gouteyron tambe a mustra di nan plan di vacunacion y e poco interes pa tuma e vacuna.
Ambos delegacion tabata di acuerdo cu continuacion di e cooperacion y mehoracion di esaki ta e yabi pa protégé henter e población y mantene e infeccionnan bou control.
