PoliticaFeatured

Prome Minister Wever – Croes ta contesa sindicatonan riba nan peticion pa aclaracion acerca di e recorte di 7.6%

Prome Minister Wever Croes

Dia 20 di januari Prome Minister Evelyn Wever – Croes a ricibi carta di sindicatonan cu peticion pa aclaracion riba e tema di recorte di 7.6% di salario. 

A traves di un carta cual a dirigi na sindicatonan dia 23 di januari, Prome Minister a contesta sindicatonan basa riba palabracionnan haci cu Gobierno di Reino. 

Prome Minister Wever – Croes a splica cu e tema di recorte di 7.6% lo ta riba agenda di Conseho di Minister di Reino di 27 di januari proximo. Pero ya caba, Gobierno di Aruba a cuminsa haci tur preparacion pa na juni 2023 paga e vakantie-uitkering completo y e premies di augustus y november. Pues Aruba ya a tene cuenta cu e fondonan aki den presupuesto 2023. 

Premier Wever – Croes a sigui splica cu e base legal pa por stop e inkorting di e 50% di vakantie-uitkering y di e premies tambe a wordo formalisa entrante 1 januari 2023. Ademas a cuminsa retene e extra loonbelasting cu mester retene pa percura cu e vakantie-uitkering ta wordo paga completo, pues 100% y sin cu ta kita belasting for di dje. Esaki manera cu tabata bin ta tuma luga e ultimo añanan, Prome Minister Wever – Croes a expresa. Esaki por nifica cu den e siguiente lunanan, e trahado lo bay paga poco mas di loonbelasting, pa asina e por haya e vakantie-uitkering na juni, sin cu ta re tene impuesto riba dje. 

Mas informacion acerca di e topico aki ta disponibel riba e website di DRH. Premier Wever – Croes ta dispuesto pa reuni cu sindicato riba e tema aki den caso cu tin tin e necesidad pa mas aclaracion.

Prome Minister Wever Croes Ta Contesa Sindicatonan Riba Nan Peticion Pa Aclaracion Acerca Di E Recorte Di 7.6 1

Related posts

Frakshon di MAN ta propone: Bahada di akseins òf eleminashon di un schakel di OB lo por baha efekto riba oumento di gasolin

EA News Author

Tourism Corporation Bonaire ta introdusí un ‘treintje’ di “It’s in our Nature” pa bishitante den kolaborashon ku Jack Tours

EA News Author

Minister Andin Bikker: ta evaluando un proyecto piloto pa introduci ‘Tasers’ pa Cuerpo Policial di Aruba

EA News Author

Leave a Comment

Whatsapp Message