PoliticaFeatured

Pueblo ta sufri mientras gobierno ta gaba cu un surplus pa 2023

Eric Ras

CAft ta expresa su desapunto y preocupacion pa e forma cu e gobierno ta sigui maneha finanzas publico. Den su ultimo relato ta indica cu gobierno lo mester a entrega cifranan di e di dos kwartaal di 2023 na augustus y esaki a sosode te na december. Nada nobo paso desde fin di 2021 gobierno a bin ta presenta e “uitvoeringsrapportages” cu atraso grandi. E motibo ta obvio. Gobierno no tin e intencion di hiba un maneho mas estricto y coordina. Nada straño pasobra di e forma ey por sigui malgasta placa y no ta stroba e pober parlamentorionan cu ta den un soño profundo cumpli cu nan tarea pa controla gastonan realistico di gobierno.

A base di e cifranan ricibi CAft ta bolbe constata cu e gastonan di gobierno a sigui aumenta. Entre otro e gasto di personal atrobe a mustra un aumento di 22 miyon florin si compara e gasto di e prome mitar di 2022 cu tabata 215 miyon florin pa 237 miyon florin den 2023. CAft ta sigui mustra cu e gasto di personal pa e mitar di 2023 lo suma 32% di e gastonan total di gobierno. Otro aspecto ta e gasto di interes. Manera partido CURPA a bin ta señala den articulonan anterior, gobierno sin misericordia ta sigui aumenta e debe pa locual mester paga interes basta halto. Na 2023 ta premira cu e gasto di interes lo subi te cu 263 miyon florin. E rapporta ta relata cu e debe di pais Aruba tabata na mitar di 2023 un suma di 5.6 biyon florin loke ta 82% di nos GDP pero nos di partido Curpa cu kere cu e debe ta riba 6.2 biyon florin.

CAft ta premira cu Aruba lo por cera 2023 cu un surplus di 170 pa 190 miyon florin. E surplus a wordo realisa door di un aumento di loonbelasting, winstbelasting y por ultimo entrada di BBO. Tambe ta indica un surplus cerca AZV di 34 miyon florin, un suma di 50 miyon florin cerca SVB y ATA. Ta logico cu CAft ta prefera di waak gobierno usa e surplus aki pa baha e debe astronomico sin tene na cuenta e dolor cu e aumento di belasting y introducion di BBO a ocaciona riba nos Isla. Manera Banco Central a indica den pasado cu casi un tercer parti di poblacion na Aruba ta biba den pobresa of tin problema pa cubri nan gastonan.

Remarcabel ta sinembargo e hecho cu no ta papia na ningun momento e 30 miyon florin cu nos a deha di haya si gobierno lo a bay di acuerdo pa ehecuta e Raft anke partido Curpa no ta mucho di acuerdo con e Raft ta hinca den otro.  Tampoco ta dedica atencion na esnan di menos recurso mester contribui extra pagando pa remedi y di e posibel problema cu dokternan di cas. Associacion di medico di cas no ta bay di acuerdo cu un contract nobo cu AZV kier implementa loke na final di cuenta lo por resulta den accion. Y kende lo bay wordo perhudica? E patient cu ya caba mester tin pasenshi pa haya acceso na cuido medico.

Pues CAft ta mustra cu pa gobierno di Aruba e pueblo no ta bin na prome lugar. Ministernan ta sigui cu nan empeño pa trata di tapa solo cu un dede yuda pa parlamentarionan cu tin nan propio interes na bista.  Partido CURPA ta keda e unico alternativa.

Related posts

Parlamentario Endy Croes: Michael Lampe ta biba den un bubble Gastamento di tempo y inkt pa reaciona riba un politico di panlefi

EA News Author

Minister Dangui Oduber acusando AVP pero e berdad ta den su propio oficina

EA News Author

Parlamentario Darlaine Guedez-Erasmus (MEP): Como parlamentario mi prioridad ta mira e bienestar di pueblo

EA News Author

Leave a Comment

Whatsapp Message