Tourism Corporation Bonaire (TCB) a sera luna di
desèmber ku rekonosementu na tres bishitante komo embahador di Boneiru. Ta trata aki
di David Morgan prosedente di Merka ku a risibí su plakat pa 42 aña di bishita na Boneiru.
David no ta un persona deskonosí na Boneiru. E ta un instruktor di buseo ku den pasado
a kontribuí na Boneiru su mundu marino huntu ku sr. Morey Ruza i Captain Don Stewart,
awe den felis memoria. David a keda honrá komo un embahador den kategoria di platina.
E pareha Cees i Marleen van Dam prosedente di Hulanda tambe a keda sorprendé pa nan
yu hòmber, ku a trese nan dilanti pa risibí e rekonosementu akí, pa motibu ku nan ta
bishitando Boneiru pa 22 aña. Pa e okashon akí nan a risibí nan feneta di oro.
Nos por hasi menshon tambe ku pa aña 2024 TCB a honrá 81 bishitante komo embahador
di Boneiru. Algun di nan ta bishitantenan ku ta bini Boneiru pa hopi aña tras di otro kaba.
Helen Mercera-Thode a ofisialisá e seremonia di rekonosementu i a hasi entrega tambe
di e plakatnan i fenetanan korespondiente na nos embahadornan.
