Den nos afan pa sigui promové Boneiru serka nos
bishitantenan, durante luna di yanüari Tourism Corporation Bonaire (TCB) a rekonosé
diesun bishitante komo embahador di Boneiru.
Den kategoria di plata a duna honor na Jim i Kathy Lageman i tambe Jeff i Teresa Powers
prosedente di Merka ku ta bishitando Boneiru pa 16 aña konsekutivo. Den e mesun
kategoria akí a honra Dag i Brit Fredriksen prosedente di Noruega ku ta bishitando
Boneiru pa 17 aña.
Den kategoria di oro a honra Jan Arie i Maria Jacoba den Hollander prosedente di
Hulanda ku ta bishitando Boneiru pa 20 aña. Tabata nan amigunan Oliveiro i su esposa di
restorant El Mundo ku a trese nan den spòtlait pa e rekonosementu aki.
Un feneta di oro a keda otorgá tambe na Yves Pognonec, i John i Martha Lange. Tur tres
ta prosedente di Merka i nan ta bishitando Boneiru pa 20 aña.
Di parti di TCB, Helen Mercera a ofisialisá e seremonianan i a hasi entrega di e
sertifikadonan i e fenetanan korespondiente na nos embahadornan.
