ORANJESTAD,Aruba
Aruba Airport Authority N.V. (AAA) ta informa cu riba e pago di taxistanan cu tin un regla di conducta firma cu Aeropuerto Internacional Reina Beatrix, AAA lo aplica un nota di credito riba e pago anual di e quota di mantencion pa e luna di April y Mei 2020, pa cada taxista basa ariba e pago haci caba pa e aña 2020 pro rata ariba e dos (2) lunanan di tarifa anula.
Pa loke ta e pago mensual y/of anual di Car Pass pa para den e parkeo cu dak of sin dak na Aeropuerto Internacional Reina Beatrix, AAA lo aplica un nota di credito riba e pago mensual y/of anual di e quota pa e luna di April y Mei 2020, pa cada doño di un Car Pass basa ariba e pago haci caba pa e aña 2020 pro rata ariba e dos (2) lunanan di tarifa anula.
AAA lo sigi monitorea Gobierno su reglanan, recomendacionnan y restriccionnan mensualmente y si mester tuma decisionnan adicional tocante e tarifa anula, esaki lo wordo comunica debidamente.
