Cu San Nicolaas a bira mas y mas bunita, y mas y mas bishita pa nos turistanan y localnan tambe ta danki tambe na e “face lift” ricibi di e arte bunita y colorido ariba e diferente murayanan den e cayanan principal den curason di San Nicolaas. Proyecto di Tito Bolivar y su team dinamico , ehecuta pa varios artistanan local y internacional. Cu dushi lugarnan pa come y bebe algo bon, manera O’Neils kitchen, Neighba y Kulture Café San Nicolaas Store. Nos ta para keto un rato na Kulture Café, pasobra, akinan recientemente a tuma lugar un otro fabuloso bunita y exitoso Poetry Knight, awor na lugar di Night, Anochi, e palabra a bira Knight “Ridder” , pues manera un anochi di esnan cu ta defende otro. Ki bunita tawata e ambiente, super dushi mes.
Banda di Poetry Knight, tin tambe ey mes, bau di e streanan y luna e anochinan di “We Culture” cu e talentosonan Celeste y Sonny Richardson regularmente.( Si tur cos ta bon, We Culture lo ta 1 di Juli venidero atrobe) Mas cultura, mas musica, mas poema y expresionnan bunita di curason. E biaha aki na PN , un di nan talentoso yui hombernan a comparti palabranan bunita di su curason pa inspira nos tur. E bunita anochi aki, di Diaranzon dia 31 di Mei ultimo, Master Leo Phillips a fungi como MC hasiendo un tremendo trabao atrobe, cu su creatividad den inspiracion guiando e anochi den un forma unico atrobe cu hopi gradicimento na su bunita curason. Nos, como Lady Ruth e “Grandma Poet” a habri e anochi fantastico aki bao di su “paraplu” wanta pa Leo, cu e tema “Gratitud” y hasta a canta un cantica di tempo di Zondagschool acapella di gradicimento na Dios pa tur cos. Ta hopi tawata e Poetanan cu a sigui cu nan mesun inspiracion den nan poemanan. Despues e maestro profeshonal musico cu curason Carlos Bislip a duna un bunita presentacion, algo bunita y zuiver di jazz, hunto cu Ivan Quandus y un di Carlos su alumnonan Eliah Wester riba drum set, prome biaha den publico. Awesome ! Despues mas Poeta a recita . Despues mas musica di un guitarista hoben Jayden Richardson cu segun mi a comprende, tambe a debuta den nos Nochi di Poesia di e luna di Mei y despues a toca tambe pa su kerido tata, e bon conosi stima y respeta , profesor maestro Gregory Ricardson canta “No woman no cry”, y publico a join den e cantamento. E talentoso Jeandre Tromp a toca riba su keyboard musica clasico alegre y despues di otro set di Poetanan cu a recita, nos por a goza tambe di e presentacion di e famoso y chistoso “Rocky” Aaron Giel cu su improvisacionnan gracioso, pone mas zjeitu den e dushi ambiente den curason di San Nicolaas. Entre esnan cu a recita ta : Celeste Richardson, Clarette Quandus, Maria Silva Hart, Eliaquin Moraga , Luciano Milliard, Angele Martinez y Jhon Freddy Tobon Montoya, cu su camera digital pa documenta tur cosnan cultural bunita pa Dept. Di Cultura riba e bunita anochi aki tambe y Ramon Todd Dandare cu a priminti di bin otro biaha pa recita su mesun poemanan. E biaha aki ela recita un di e bunita poemanan di Pablo Neruda, den su mesun version traduci na nos dushi idioma Papiamento, despues cu lieve Maria a recita e mesun poema aki den spanjo. Nos no ta corda tur e otro nombernan, pero si, ta reconose nan cara y curason bunita mayoria bes of tur biaha na Poetry Knight. Entre e publico nos a nota e presencia di e bunita actris Lupita Bernabela y e artista Elvis Lopez di “atelier’89″, Hilario Donker cu e amor y pasion grandi pa su bario y districto San Nicolaas, semper cla pa pidi atencion pa San Nicolaas unda cu tin mester y cu su bunita potretnan cu e ta saca.Danki lieve Hilario pa e bunita picsnan.
Tambe presencia di lieve Olinda Rasmijn, nos tesoro conosedo y stimado di nos matanan y yerbanan natural medecinal y lieve Margriet Pourrier, tur, amantenan di nos Papiamento.
Nos tin cu menciona e excelente servicio duna pa e bunita y simpatico hobennan y of hobennan adulto di Kulture Café. Dushi quesadilla, dushi meatballs, dushi binja y super dushi ice cream ! Oh nan juicenan natural ta heerlijk !!!
Danki Basha Foundation pa otro exitoso Nochi di Poesia den curason di San Nicolaas.
Danki na Prins Bernhard Fonds, CMB, Setar y Vibration PR. pa hasi esaki possibel. Mas y mas Poeta y of escritor y artista ta participa cu nan expresion y sintimento y inspira nos tur. Danki Aruba, pa lesa nos relato cu atencion. Stay safe, love you too ! Un “bearhug” di Ruthy”Lady Ruth” .
