Beibel ta siña nos den Mateo capitulo 24 vers 12 y ta bisa lo siguiente : Y pasobra maldad ta aumenta amor di hopi hende lo fria.
Y esey ta berdad , si nos nota e manera con hende ta trata, otro sin cuenta, sin respet, no ta corda riba otro , vengativo, ireconciliabel, ta paga malo cu malo, ta kibra otro constantemente, en bes di razona ta busca manera pa orguyo keda prevalese, bibando den un competencia.
Algun muestra hopi cla cu amor di Mayor a fria ta:
Mayor cu no ta preocupa cu bida spiritual di su yiu.
Mayor no ta coregi ni tampoco disiplina nan yiu.
Mayor no ta worry ki ora e yui ta sali of ki ora e ta yega.
Mayor cu no ta tira bista den tas di scol di su yiu ni tampoco tin tempo pa controla huiswerk.
Auto cu glas scur ta yega na porta y e mucha ta drenta sin su mayornan sa ken ta den auto.
Yui ta bisti desformal y mayor ta bay di acuerdo.
Mucha ta bebe , huma y droga y mayor no ta preocupa.
Y awor tur cos ta wordo scondi tras di Pandemia, crimen ta wordo cometi den nomber di pandemia, hende ta haci malo pasobra pandemia a duna nan oportunidad. Hende ta expresa nan arogancia y nan ta culpa pandemia.
Orguyo , Arogancia, Amargura, tur tabata existi prome cu Pandemia, y lo yega un tempo cu pandemia lo pasa pa historia, y e tres nan aki lo keda EXISTI..
Pero den e caso di amor di mayor fria pa yui, nos por constata ora un mayor ta demasiado ocupa cu e no tin tempo pa su yuinan, hopi biaha bo ta tende cu mayor ta traha mas cu un trabao pa asina e por sobrevivi, pero ki bale la pena un banda bo ta financieramente bon, y otro banda bo ta perde bo yiunan pa falta di amor..
E amor pa bo yuinan nunca por fria, nunca por cansa, y bo no por pasa nan den man di otro hende, pasobra amor di mayor ta mayor so tin e , creche no tin, scol no tin e , ningun otro institucion of fundacion tin e amor di mayor, pasobra ta Dios mes a entrege na abo como mayor, pasobra e yui ta un creacion di Dios pa medio di e mama y e tata.
Pesey despues di nacemento Dios ta duna un encargo na mayor pa cuida, warda, siña, proteha e mucha, y pa semper keda den oracion pe, ( Efesios capitulo 6 vers 1-4) pasobra ningun yiu ta bira grandi y semper nan lo tin mester di bo oracion.
Ora amor di mayor fria, muchanan ta busca amor otro caminda, pero hopi biaha nan ta bati na porta robez y ta cay den brasa di e enemigo..
Otro nan lo busca e amor riba caya den gang, ( geng) caminda nan lo cay bao di un guia falso, cu ta conduci solamente na maldad.
Den e Buki di Malaquias capitulo 4 vers 5 Señor ta bisa lo siguiente: Mira mi ta bay manda profeta Elias serca boso prome cu e binida di e dia grandi y teribel di Señor . Y e lo restaura curazon di e tatanan pa nan yuinan y e curazon di e yuinan pa nan tatanan, pa Mi no bin y afligi e tera cu maldicion.
Mayor no laga e amor pa bo yiunan fria