Eric van der Burg, secretario di estado di Asuntonan Interno y Relacionnan den Reino,
di 7 te cu 17 di april, ta bishita e seis islanan Caribense di Reino. Sucesivamente e ta
bishita Sint Eustatius, Saba, Sint Maarten, Aruba, Corsou y Boneiro. Temanan cu lo ser
trata durante e bishita di introduccion di e secretario di estado ta entre otro,
gobernacion eficas, siguridad, resistencia economico, colaboracion den Reino y
siguridad di cuminda.
Durante su bishita e secretario di estado lo cera conoci mas di acerca cu entre otro
gobernante- y representantenan di pueblo. Ademas e ta bishita diferente proyecto,
incluyendo construccion di e haf nobo Black Rock na Saba, e preparacionnan pa celebracion
di 250 aña di First Salute na Sint Eustatius y proyectonan den cuadro di trabounan di
reconstruccion despues di horcan Irma na Sint Maarten. Tambe e ta combersa cu
representantenan di organisacionnan social na Corsou y e Comite di Conmemoracion
Pasado di Sclavitud. Na Aruba e ta haya un tour na entre otro Sunny Greenz, un empresario
agricultor hoben. Na Boneiro e ta bishita e dump di Selibon na Lagun y e ta papia cu e
habitantenan den bisindario.
Durante su bishita na Aruba, secretario di estado Van der Burg ta participa na e ‘LGO-EU
Forum’. Esaki ta un plataforma internacional pa dialogo entre Union Europeo y e Pais- y
Teritorionan Ultramar (LGO). E evento aki ta trece esnan responsabel pa maneho,
diplomatico- y academiconan di e area Caribense, Ocean Pacifico, Ocean Indio y region
Antartico hunto. E conferencia ta enfoca riba colaboracion strategico riba tereno di
crecemento economico duradero, estado di derecho, adaptacion climatologico y
transformacion digital.
Secretario di estado Van der Burg ta bishita parti Caribense di Reino: enfoke ta riba gobernacion, siguridad y desaroyo economico
