Recientemente tabata di bishita cerca Prome Minister di Aruba Mike Eman, e delegacion di Merca cu a bin pa firma e acuerdo nobo di Preclearance cu Aruba.
Dylan DeFrancisci, Port Director di Miami International Airport a indica cu, e ta un placer di por ta di bishita un biaha mas na Aruba y di forma parti di un momento asina monumental pa ambos pais. Un acuerdo cu a bin ta traha riba dje pa basta tempo caba.
DeFrancisci contento di por a asisti na e firmamento, como cu e tabata parti y director di U.S. Customs and Border Protection (CBP) di 2008 te cu 2012 na momento cu a cuminsa combersacion pa asina yega na e acuerdo aki.
Importante pa ambos pais, muestra di bon cooperacion cu tin durante tur e añanan aki y muestra di e cooperacion actual cu a hiba na e firmamento di e acurdo. DeFrancisci ta mira hopi adelanto/progreso y innovacion na Aruba, expansion di nos aeropuerto y exito continua cu tin pa cu nos isla.
Tambe presente na Bestuurskantoor tabata Diane J. Sabatino, Executive Assistant Commissioner di Office of Field Operations (OFO) di CBP. Un placer absoluto manera semper pa ta di bishita na Aruba y un tremendo aliansa entre Merca y Aruba, muy particularmente cu e U.S. Customs and Border Protection, cual tin un historia profundo y duradero.
Sabatino ta mira un laso fuerte di cooperacion y acuerdo cu ta bay atras te den 1987 te na e preclearance na 1996. Cu e firmamento cu a tuma luga, ta mustra renobacion den e compromiso den e balor comparti, y e compromiso pa logra meta comun di fortalece siguridad na frontera, engrandece prosperidad economico pa ambos pais y e vuelonan sigur pa esnan cu ta bay pa y for di Aruba.
Press release: Gobierno di Aruba
