Miembronan di kolegioehekutivo e simanku a transkurí a papia den bon ambiente riba vários tópiko ku tin di aberku Boneiru, entreotro e futuro agènda kultural, pasado di sklabitut, binimentu di un biblioteka nobo i uso di coachnan di kultura, ku sekretario di estado Gunay Uslu di Kultura i Media, kende a bishitá nos isla den kuadro di un bishita di trabou.
Hulanda ta pone anualmente 150.000 euro disponibel pa e areglo di coach di kultura. E inisiativa akí a mira lus a base di un kooperashon intensivo entre entidat públiko Boneiru (EPB)i Ministerio di OCW i ta brinda posibilidat pa ekspanshon di kapasidat. Ta reklutá e coachnan lokalmente i e tres aña nan benidero nan lo kuminsá traha. E period benidero EPB lo bai studiakon ta bai duna kontenido eksakto na esei pa Boneiru.
Durante e proseso akí ta duna atenshon tambe na fortifikashon di partisipashon i edukashon kultural, i desaroyo di talent basá riba e maneho kultural di Boneiru. Den e kuadro akí no ta konsiderá kultura solamente komo e tradishon- i ekspreshonnan kultural di nos isla, pero tambe e diferente disiplinanan di arte manera baile, teatro,muzik, arte plástiko, moda, medionan nobo i pelíkula. Na Hulanda Oropeo ta hasi uso di coachnan di kultura den entre otro kas- di kuido, sekshon di kultura di gobièrnu, skol-, biblioteka- i sentronan di bario.
Mas prioridat pa kultura
Ademas a papia durante e bishita di trabou ku diferente organisashon di sector kultural i kreativo na Boneiru riba e preokupashonnan grandi ku nan tin i e nesesidat pa un finansiamentu básiko structural pa instansianan kulturalriba nosisla. Diputado Elvis Tjin Asjoe di Kultura: “Mi tambe tin gana pa nos komo kolegio ehekutivo duna mas prioridat na e sector akí i pèrkurá pa krea posibilidatnan pa finansiamentu sostenibel.”
Ministerio di OCW tambea pone fondonan disponibel pa sigui desaroyá nos biblioteka. Haña un alohamentu nobo i finansiamentu pa esei tin prioridat. Durante un bishitana e lokalidat actual kue sekretario di estado, Gobièrnu insular a ekspresá su deseo pa e biblioteka nobo bai okupá un lugá mas prominente den komunidat i pa e por sirbi tambe komo un sentro di konosementu tokante pasado di sklabitut, historia i patrimonio di Boneiru.
Por último e delegashon a bishitá School of Performing Arts Bonaire. Aki alumnonan di e skol di baile a papia di nan eksperensianan i kiko e balor agregá di e skol ta pa nan, esta ku baile ta yuda nan pa forma nan propioidentidat i ta brinda nan un perspektiva pa futuro. Sekretario di estado Uslu a enfatisá tambe importansia di instansianan manera esaki i a indiká ku huntu mester buska solushonnan sostenibel pa e sektor di kultura di Boneiru.
