Nos ta den temporada di Semana Santa , e siman santo. Abo sa kico ta e significacion di e temporada aki? Pastoor Jairo Maduro ta splica un poco riba e significacion di e temporada aki pa nos como serhumano riba mundo aki. Iglesianan rond mundo y na Aruba ta habri Semana Santa riba diadomingo di rama. E siman aki ta e siman cu ta dedica mas na e sufrimento di nos señor Hesucristo. Riba e diadomingo di rama ta recorda e entrada di Hesus na Jerusalem unda cu nan a yame bon bini cu palma den man pa tur e cosnan cu e la haci. Lamentablemente e no a dura hopi cu e sufrimento a cuminsa.
Durante di semana santa ta drenta diahuebs santo unda cu ta cuminsa conmemora e cena di señor conmemora con e la sinta cu su apostelnan na mesa y a ofrece su mes unda a duna un ehempel di labamento di pia y ta bisa tur hende cu nos mester ta dispuesto pa sirbi otro. Tambe Hesus a laga pa nso cu nos ta conmemora e celebracion eucaristico cu os ta celebra cada dia specialmente diadomingo. Tambe ta conmemora e dia di sacerdotenan na momento cu e ta ofrece pan y biña unda cu a bisa “ esaki ta mi curpa y esaki ta mi sanger “ cu mester haci esaki pa keda corda riba dje, y desde e dia ey ta celebra misa.
Diabierna santo ta conmemora dia di señor despues cu e la keda traiciona door di hudas y e la keda entrega na sufrimento y morto. Diasabra di gloria ta conmemora e resureccion den tur celebracion despues di 5 or di atardi unda cu ta celebra cu Hesus a resucita unda cu e la lanta for di morto despues di tres dia. Asina e diadomingo ta diadomingo di Pasco grandi ta e dia di resureccion pa cual ta celebra misa diadomingo.
Na Aruba a crea un tradicion di campamento durante di e temporada aki, pero esaki no a bin di iglesia. E la bira un tradicion comercial na Aruba unda cu e personanan ta tuma liber pa asina comparti cu famia na lama, pero lamentablemente hopi biaha nan no ta pone e atencion debido na e siman santo, pero e siman a mane para bira siman di lora den santo.
Segun pastoor Jairo Maduro mayoria di e fielnan ta celebra e dianan aki na iglesia specialmente diadomingo di rama. Diabierna santo ta caminda di cruz den tur bario na Aruba y na misa na St Cruz lo tine 5 or di mainta y 8 or lo tin un misa na serinoka. Atardi ta e celebracion mas central di e iglecia unda cu ta conmemora e morto di señor unda cu tur hende ta bin iglesia.
E comemento di pisca ta un forma di yuna unda cu ta preveni e curpa di come carni. E storianan cu den temporada di Semana Santa sibo bay lama hopi cosnan por pasa y bo por hasta bira pisca ta storianan cu ta ser conta den pasado , pero cu no ta cuadra cu realidad. Segun Pastoor Jairo Maduro lama por ta bruto normalmente. Tambe den Semana santa e ciudadano por reconcilia cu DIOS y hasi su confusion nan y asina cuminsa un bida nobo y liber.