SocialLocal

Fundacion Corector di Papiamento (FCP) ta organisa e curso Dominio di Idioma

Eng The Foundation Corrector Del Papiamento

E curso interesante aki ‘Dominio di Idioma’ ta bou guia di Dr. Joyce Pereira cu cooperacion di algun docente di Papiamento y ta dirigi riba esnan cu ta interesa pa siña scucha, papia, lesa, skirbi y analisa Papiamento corectamente.
E curso ta consisti di 4 modulo di 13 les cada un y e lesnan lo tuma luga tur diasabra di 9 am pa 12 pm. 

Den e curso lo enfoca riba lo siguiente:
1. Profundisacion den habilidad di scucha, papia, lesa y skirbi texto; 2. Siña con pa aplica regla di ortografia y gramatica;
3. Siña revisa y analisa texto skirbi. 

E curso lo cuminsa den luna di januari 2024 y tin un costo di AWG 500,00 pa modulo. Pa por participa na e curso e participante mester haci un test di admision prome pa determina si e candidato tin e conocemento basico di Papiamento, entre otro di vocabulario, ortografia y gramatica di Papiamento. 

Fecha di e test: 14 di october 2023
Orario: 9 am -12 pm
Luga: Theorielokaal di EPI (Venusstraat #3) Costo di e test: AWG 25,00 

Ta pidi esnan interesa pa paga e suma di AWG 25,00 aki no mas tarda cu un siman prome cu e fecha di e test riba e cuenta di: 

Por inscribi na: https://forms.gle/zEqfT5mzLK23XiKM8 of via email: papiamento.aruba@gmail.com 

Ban siña scucha, papia, lesa, skirbi y analisa Papiamento corectamente! 

Related posts

Minister Endy Croes a reuni cu Stichting Miss IQ di Hulanda

EA News Author

Declaracion Prome Minister Evelyn Wever-Croes:Ministerio Publico tin un investigacion andando na DIMAS riba e periodo di 2020 te 202

EA News Author

FADA y scol ta haci nan parti di conscientisacion y e parti mas grandi ta keda na e mayornan mes

EA News Author

Leave a Comment

Whatsapp Message