Corsou un Pais dushi y cu su hende nan dushi, loke cu ta resalta na Corsou ta e respet cu tin pa otro, un parti cu Aruba mester siña hopi di dje. E pueblo di Corsou a celebra democracia na nan manera bunita y e ta asina bunita di mira y wak con caluroso e comunidad ta cu su politiconan. Esaki ta encera tur politico di tur signatura di partido.
MFK a bira e partido di mas grandi di Corsou y esaki ta loke e pueblo a scoge pe, sinembargo comentarionan fuera di luga ta inaceptabel. Ningun sexo no ta marca ningun politico pa e ta un bon politico of un mal politico. Comentarionan fofo cu ta bagatelisa y apunta persona riba kico nan ta of ken nan ta no ta energia positivo.
Un realidad tin y hamas un sexo por tin di haber riba un exito di trabou y sabiduria di un politico y tampoco di ningun hende cu ta traha pa su pan di cada dia. Husga hende pa loke nan ta y of kico nan bida tabata of ta no tin nada di haber cu nan trabou exitoso. Ta lamenta cu insinuacionnan asina mahos ta Sali di Aruba pa Corsou cual nos tur ta ruman di otro y nos ta pais ruman y nos mester siña respeta otro y trata otro como tal.
Aruba nos mester cuminsa wak den cas mes kico nos mester drecha unda cu nos tin un eleccion tras di lomba cu hopi problema sin por resolve pa hamber pa poder y trapa riba otro y ecgo y exigencia unda NO por tin exigencia.
Corsou pabien cu bo escogencia politico
