Gobierno di AVP –FUTURO desde di un inicio ta un matrimonio cu condicionnan exigi door di e politico Gerlien Croes. No ta un secreto pero e ta bisto cu Gerlien Croes a drenta politica sin sa di politica y cu ta adora poder y posicion, un comienso sigur devastador pa futuro di Aruba y futuro politica na Aruba.
No ta prome biaha pero EA news ta bin ta informa y mirando e desaroyonan cu ta tumando luga cu partido FUTURO tanto Gerlien y Greoffrey Wever a crea nan imperio destrosando esunnan cu a confia den nan y nan mes lo ta bay ta e autor di destrui pais Aruba cu nan mal decision nan y caminda cu e Rijkswet ta canando. Partido FUTURO ta e destruccion di futuro di Arubiano nan y Pais Aruba y e futuro generacionnan.
Ta bisto e incapacidad cu tin pa goberna den diferente desicionnan cu partido FUTURO a tuma y ta tumando. Na momento cu mester lesa e sentencia di Hues di e caso di Mike de Meza unda cu no a duna rason na Mike de Meza, un ley cu ta e propio parlamentarionan a vota riba dje pa asina duna poder na ken por bira minister of no.
Aunke cu Formado y awo Minister Gerlien Croes kier core pa su responsabilidad , e ta actriz principal sosteni door di minister Geoffrey Wever pa haya su gana. E dolor y e pena cu e dos FUTURO destruccion di Pais Aruba a pone Mike de Meza pasa den dje cu de Meza a bay corte ta un situacion cu nunca no mester a sosode. Na mes momento tambe e mes un dos actornan aki cu nan cara di lamchi y curason di santanas e crea un desunion den AVP y votadornan di AVP .
Den henter e proceso pa Mike de Meza por bira minister, si realmente tabatin curashi y confiansa den sr de Meza e Formadonan mester a haci nan tarea y presenta Mike de Meza como minister. Sinembargo manera un cobarde Minister Gerlien Croes na momento cu e la keda descubri cu e ta e actriz tras di perhudica Mike de Meza ta vocifera cu e no ta formado mas. Gerlien Croes un hipocrita cobarde cu a benta e responsabilidad riba Mike Eman despues cu e la sapatia y perhudica Mike de Meza.
Ta un secreto publico cu e actriz tras di henter e situacion di Mike de Meza ta e famosa Minister Gerlien Croes ta esun cu no kier pa sr. Mike de Meza bira minister. Banda di henter e pelicula di hipocresia di Minister Gerlien Croes tampoco Prome MInister Mike Eman no tin e curashi di para Minister Gerlien Croes y ta permiti pa Minister Gerlien Croes haci y deshaci cu decisionnan como prome Minister mester a tuma di prome instante , aunke FUTURO ta e yabi partido AVP mester ta bon cla cu nan tin hopi mas ciudadano di Aruba cu a vota pa AVP compara cu e 3 asientonan di e mes un grupo cu no por haya nan kier mas for di AVP a swich pa FUTURO y a join e team di RAIZ y TUR e otro partidonan chikito unda cu partido FUTURO practicamente ta e dependans di AVP , dus AVP 2. Esaki nos ta yama e politica nobo den mente maligno di Minister Gerlien Croes y Minister Geoffrey Wever.
E sentencia a bisa bon cla cu ta e formado mester a presenta Mike de Meza. For di un inicio no tabatin confiansa entre AVP y FUTURO. Awe Hues a mustra formadonan cu ta e mes mester tuma su decision. Un gobierno instabil , cu hopi desconfiansa y cu pata pata di condicion a sacrifica sr Mike de Meza. Mientras tanto ainda tin indicacion cu Minister Gerlien Croes ta mane un” GATA negra “ kier e stoel di Mike de Meza tambe pa su candidato Gino Goeloe bira minister, tin basta discusion ainda riba e parti aki. Sinembargo manera Minister Gerlien Croes mes a menciona e no ta formado mas dus e decision no ta cay bou di su persona mas , pero bou di Mike Eman cu ta e Formado oficial actualmente. Awe siman ta habri cu hopi tension, Mike de Meza ta na Aruba y Mike Eman aproximadamente lo sinta cu ne na mesa y combersacionnan serio lo tuma luga.