Soroptimist International Club Aruba ta forma parti di Soroptimist International, un organisacion mundial cu ta dedica su esfuersonan pa educa, empodera y duna oportunidadnan pa hende muhe y mucha muhe den tur luga riba tera.
Un organisacion cu historia profundo
Soroptimist International a wordo funda na 1921 na Oakland, California y awe ta un movimiento Global cu mas di 60.000 miembro den 118 pais. Aruba ta cai bow e Federacion Europeo y ta Club nr 102 di Hulanda. Soroptimist International Club Aruba (Sica) a lanta na 2022 cu muhernan profesional cu ta enfoca riba educacion, desaroyo social,y concientisacion di hende muhe y mucha muhe sigiendo e vision global y mision di Soroptimist.
Awe, Soroptimist International ta un global cu miles di club nan y mas cu 60,000 miembronan den mas di 100 pais riba mundo cu ta traha na nivel local y internacional pa empodera hende muhe y muchanan.
Soroptimist International Club Aruba
Na Aruba, Soroptimist International Club Aruba ta representa e vision y mision global aki. E club a wordo inaugura pa yuda impulsa proyecto pa e comunidad local, cu enfoke riba:
- Empoderamento di hende muhe y muchanan
- Conscientisacion riba temanan social importante
- Educacion y oportunidadnan pa bida miho
- Actividadnan relaciona cu Dia Internacional di Hende Muhe
Durante un evento, representante di e club Magaly Maduro a comparti informacion tocante e organisacion y su objetivonan na Aruba ta pa yuda impulsa nos hende muhernan.
Traha riba temanan delicado
Un di e iniciativa cu Soroptimist International Club Aruba ta organisa ta un dia di informacion en coneccion cu Dia Internacional di Hende Muhe. E topico cu ta trata den e dia aki ta un asunto cu hopi hende no kier papia di dje, pero cu e club y profesional nan ta haci e esfuerso pa trese claridad y combersacion den comunidad. Segun Magali Maduro, e seleccion di e topico aki no ta simplemente scogi, ta basa riba investigacion y e realidad cu ta presente den Aruba, y ta mustra e necesidad pa sigui conscientisa y educa pueblo riba e asunto.
Un mission global
Soroptimist International ta dedica pa transforma bida y estado di hende muhe y muchanan fuerte. E organisacion a reuni cu pilarnan strategico den nos comunidad pa yega cerca na otro hende muhe nan den nos comunidad y participa na e simposio aki.
E actividad den conexion cu dia di hende muhe ta tuma luga diasabra 7 di maart 2026 for di 10 or di mainta pa 2 or di atardi na Educampus unda cu antes tabata Bon Bini Bazaar. Lo enfoca riba e topico intergenerational Trauma, Inner safety .
Sra Clementia Eugene lo elabora ribaintergenerational Trauma, Sueli Kelly Quandt lo enfoca riba understanding Trauma y Geraldine Lacle lo elabora riba Inner Saiety Activation, tur tres profesionalnan lo tey pa elabora generalmente riba nan topico. Entrada ta completamente gratis y tur hende ta bon bini , hende homber y hende muhe.
