en cuadro di e siman di concientisacionย di cuido di bo oido organiza pa Quota International of Aruba cu cooperacion di The Specialists y Fundacion pa Esnan cu Problema di Oidoย (FEPO)riba dia 3 di maart, proclama pa World Health Organization como Dia International di Oido,na FEPO Sra Larissa Bermudez, presentadora na Tele Aruba y actual miembro di bestuur di FEPO a hasi su test di oido na FEPO serca e Akoepedist Sra Olga Versteeg.
Sra Kristel van Nes, Logopedist y Office Manager na FEPO a duna splicacion di cu e tapaboca ta corta tanto decibel y cu esaki ta hasi mas dificil pa un persona cu perdida di oido pa comprende e otro persona cu ta papiando cune. Tapaboco di tela ta tapa ย mas of menos 5 decibel mientras cu un mask medico ta tapa te cu 12 decibel.
Sra Astrid Muller ,miembro di Quota pa mas cu 30 anja, a splika kiko Quota ta hasi y lo sigi hasi pa trece mas concientisacion di e cuido di bo oido pa e pueblo di Aruba.
WHO a publica recien un rapport y nan ta menciona cu pa anja 2050 1 di cada 4 persona lo tin problema di oido. ย Nan ta splika cu hopi perdida di oido por wordo preveni si por tin diagnostico na tempo ora di infeccion den orea, y tambe ora un persona ta exponi na sonido( desordo) duro pa temponan largo e por hasi uso di proteccion pa su oido.
Un total di 85 persona a hasi e test di oido den e siman di test di oido gratis. Hopi persona no por a haya cita den e siman y The Specialists a prolonga e test di oido gratis te cu fin di maart 2021.
Quota International di Aruba ta gradiciย turย esnan cu a hasi e simanย akiย posibel, especialmente The Specialists y FEPOย y tambeย turย Quotarians cu ta dedicaย hopi tempo y esfuerzo pa asinaย educa, informa y promoveย cuido di nos oido.
