Calibracion di pompnan di gasolin nobo na Bush Road Service Station confirma
Ministerio di Turismo, Asunto Economico, Transporte y Telecomunicacion (TEATT), pa medio di su Inspectoria di Asunto Economico y Transporte (IETA), ta informa publico cu e pompnan di gasolin nobo instala na e ex-station di gasolin “Scott” na Bush Road a wordo inspecta y calibra.
Despues di e trabounan di instalacion, controladornan economico di IETA a ehecuta chekeonan na e sitio mes pa sigura cu e pompnan ta duna e cantidad di combustibel exacto y conforme cu e normanan aplicabel.
Proteccion di Consumidor y Transparencia
E inspeccion a confirma cu:
- E pompnan di gasolin ta funcionando debidamente y ta duna e cantidad exacto;
- Consumidornan ta ricibi e cantidad di combustibel pa cual nan ta pagando;
- E pompnan a wordo verifica y aproba pa uzo.
Conforme cu e rekisitonan di e ley di midimento (Ijkverordening), a emiti un declaracion oficial di verificacion despues di e inspeccion.
Prijsnan cla den XCG
E Inspectoria tambe a verifica cu e prijsnan di combustibel ta wordo mustra claramente den Florin Caribense (XCG), loke ta yuda preveni confusion pa tanto residente como bishitante, sigurando asina transparencia total den prijs.
Monitoreo Continuo
Ministerio ta reconoce cu prijs di gasolin ta keda un punto di preocupacion pa comunidad. IETA lo sigui realisa inspeccionnan di rutina pa garantisa cumplimento y pa proteha interesnan di e consumidor.
Compromiso cu Publico
Gobierno di Sint Maarten ta keda comprometi cu practicanan di comercio husto, transparencia, y proteccion di consumidor. Publico por tin e seguridad cu Inspectoria ta monitoriando tur desaroyo activamente y ta tumando e pasonan necesario pa sigura cumplimento cu e reglanan.
