Kousa Promé tabatin un tremendo tayer di pan di fòrnu na Museo di Tambú Shon Cola. Kandidato nr 1 Giselle Rosalia a kompartí konosementu ku tur presente. El a splika na plaka chikí i demostrá kon ta traha e pan di fòrnu. E tayer tabata agradabel i interaktivo. Bishitantenan a haña oportunidat pa partisipá aktivamente. Nan a siña kon ta meskla ingredientenan, kon ta mansa pan, kòrta mansa na midí, bòl pan, plat pan i prek pan. Finalmente nan a manda pan fòrnu di klenku pa despues saboriá pan ku nan tur a yuda traha. Tabatin amplio oportunidat pa hasi pregunta i komprondé kiko ta e sekreto di pan di fòrnu. Kousa Promé su ophetivo ta pa siña pueblo kon yuda su kurpa ora situashon ta pèrtá. Dunando e tayer akí i kompartiendo e reseta nos ta aportá na e proseso di lora man ku ta parti fuerte di e ekonomia mikro na Kòrsou. Kousa Promé ta sigui traha duru pa aportá na e yu di Kòrsou nobo orguyoso, dinámiko, kreativo i patriótiko. Kousa Promé ta sigui lucha pa drenta parlamentu di Kòrsou. E lucha pa un Kòrsou ku bienestar lo kontinuá na un manera mas profundo den parlamentu di Kòrsou. Kousa Promé ta enfatisá un biaha mas ku ta un pueblo konsiente so ta haña un gobièrnu ku e meresé.
Traha pan di fòrnu ku Giselle Rosalia
