BonaireFeaturedInternacional

Triángulo di Boneiru ta hasi un yamada pa tur shofúr manehá di un manera seif i responsabel

Kpcn Bonaire

Pronto nos ta selebra e siman di Regatta. Ta un temporada di di fiesta i goso. A resultá ku e ora ei sa pèrdè e reglanan vigente i responsabilidat pa ku nos mes i nos próhimo for di bista. Pero esaki no ta nifiká ku e reglanan ta ménos vigente.

Ta importante pa tur hende tene nan mes na e reglanan vigente di tráfiko pa asina sigurá siguridat den tráfiko pa tur. Pasobra tráfiko sigur no ta solamente un asuntu di polis pero di shofùrnan di vehíkulonan motorisá tambe. Outomobilistanan i otronan mester ta konsiente ku: ta nan propio responsabilidat pa usa faha di seguridat, di e peliger di papia i manda mensahe na telefòn ora ta stür, di e peliger di uso di alkohòl ora ku ta stür i kon pa kore ku mucha den outo na un manera responsabel (por ehèmpel no sintá dilanti den outo, sino den un stul pa mucha patras den outo, etcetera).

Kuerpo Polisial Hulanda Karibense, Ministerio Publiko i Entidat Publiko Boneiru ta hasi un yamada na tur outomobilistanan pa ta responsabel riba karetera. Asina bo ta evitá situashonnan felfelu pa bo mes pero tambe situashonnan peligroso pa otro. Ta prohibí pa partisipá den tráfiko si bo a konsumí mas alkohól ku lei ta pèrmití. Bo ta manehá bou di influensia di alkohòl? E ora ei bo por haña un un prohibishon pa manehá, un kastigu di prizòn òf un kombinashon di e kastigunan aki. E peso di e kastigu ta depende di e seriedat di e stuashon. Sinembargo, si ta asina ku lo tenebo responsabel pa komportashon negligente den tráfiko. 

P’esei den e temporada benidero, polis lo intensivá e kòntròlnan di tráfiko na sitionan stratégiko i ku ta hopi bishitá. Den kaso ku no kumpli ku reglanan di tráfiko lo atendé ku e shofùr di forma estrikto. Ku un tèst di suplá polis ta kontrolá si bo ta bou di influensia di alkohòl. Bo ta obligá di partisipá na e tèst di supla. Bo ta envolví den un aksidente di tráfiko? E ora ei bo ta obligá di hasi un tèst di supla (botsen is blazen).

Related posts

Minister Maduro a presenta e Segundo Cambio di Presupuesto 2020 na Parlamento

EA News Author

Sin DOW y DIP plan di Oranjestad y centro di San Nicolas no por keda ehecuta

EA News Author

Wardakosta ku patruyanan di kontrol riba laman

EA News Author

Leave a Comment

Whatsapp Message