Turista burachi, vulgar, saca parti intimo y orina den lobby deteni

Diadomingo den careda di mey anochi personal di un hotel high rise a pidi presencia di polis pa un turista burachi y vulgar. E problema a surgi despues cu e turista aki a bebe masha hopi den e hotel y na final no kier a paga y asina e problema e start. Despues di basta rato papia y sin resultado e turista a cuminsa falta respet, papiando palabra malo.

Esey no tabata tur e la haya mas mal trip ainda ora cu e la bay den lobby di e hotel y ta saca su parti intimo y orina. Eynan no tabata tin nada mas cu mester a pidi asistencia di polis. Na yegada di polis un gritamento y mesora a bay over na detene e homber y pone plaat den boei. Transportwagen a wordo pidi pa hiba e homber aki warda, unda cu e lo bay haya un cel pa e sosega su curpa.