Radarnan cu ta instala rond di nos isla a logra señala e boto aki cu a purba di drenta Aruba na un forma ilegal. Asina Cuerpo Policial y Kustwacht a activa nan unidad nan mesora, caminda a logra captura e boto aki y a detene 28 persona indocumenta a bordo, di cual e caso ta bou investigacion.
Nos kier manda un palabra di pabien y sosten na henter e unidad di Cuerpo Policial y Kustwacht cu ta percura pa mantene nos fronteranan sigur. Asina Gobierno di Aruba lo sigui inverti den tecnologia nobo, pa sigui eleva siguridad na nos frontera.