Central di polis a dirigi un patruya na Monserat pa un chofer cu lo a dal den muraya y a bay for di e sitio. Reporteronan a yega na e sitio y a haya un muraya kibra y sin auto presente. E habitante a duna di conoce cu nan a tende un zonido fuerte alrededor di 05:00 di madruga. Na momento cu e habitante y su famia a sali pa check kico e zonido ta, nan por a tuma nota di un Nissan Murano color beige riba nan tereno. E auto menciona a bandona e sitio despues di e accidente. E habitantenan mes a core tras di e vehiculo sin resulta faborabel. A notifica post central riba e situacion mesora.
Un Nissan Murano color beige a dal den muraya di cas y bandona e sitio
