CuracaoFeatured

Un otro edishon di menstruashon solidiario pa yuda kombatí i konsientisá riba pobresa menstrual

Man Pin

Partido MAN-PIN ta organisá Menstruashon Solidario ku un biaha mas. Danki na e tremendo
akogída Menstruashon Solidario aña pasa unda ku a parti na mas 50 skol di Banda Bou pa
Banda Riba paketenan di “maandverband”, pero tambe na, SDKK (prizon) i Voedselbank.
Segun Organisashon Mundial di Salú 1 riba kada 5 hende muhé ta kai bou di e asina yama
“pobresa menstrual“ den region di Karibe i na Hulanda 1 riba kada 10 hende muhé pa
motibunan finansiero no por kumpra “maandverband”/kotèks.
Pobresa menstrual ta nifiká falta di akseso na produktonan di uso pèrsonal pa e periodo di
menstruashon, manera p.e. “maandverband”/kotèks. E pobresa menstrual aki a bira aun
mas tantu den nos region i mundialmente despues di e pandemia di COVID-19.
Segun estudionan hasí den region di Karibe e hende muhé hopi biaha mester skohe entre
kumpra kuminda pa su famia òf kumpra produkto pa su higiena pèrsonal. Den mayoria kaso
e hende muhé ta skohe pa buta su higiena pèrsonal un banda pa por duna su famia di kome.
Esaki ta un situashon ku aki na Kòrsou tambe nos ta tuma nota di dje.
Segun UNICEF mucha muhénan hóben ku ta bai skol ta pèrdè un promedio di 5 dia di skol pa
aña pa motibu di pobresa menstrual. Esaki ta mina e derechi universal di e hóben pa por tin
akseso na edukashon sin barera. Aki na Kòrsou na diferente okashon nos a haña señal serka
dosentenan di e situashon aki. Tambe nos ta keda aserká pa mamanan ku ta pidi nos ayudo
finansiero pa por kumpra produktonan di uso pèrsonal pa nan menstruashon regularmente.
Lamentablemente na Kòrsou nos no tin nos propio estudio riba nos pobresa menstrual
manera otro paisnan.
E aña aki atrobe nos ta pidi pa ta solidario ku e akshon aki, pero pa nos por logra i superá
èksito aki di aña nos mestere di boso sosten.
Pa motibu ku na tambe tin Kòrsou tambe hopi hende muhé ta pasa den situashon fèrfelu òf
nan ta pèrdè dia di trabou i na skol pa motibu ku no tin sèn pa kumpra produktonan di uso
pèrsonal pa su menstruashon. Hopi hende muhé / hòben/ mucha muhé ta haña nan den e
situashon ku e menstruashon ta presentá na boka di trabou, skòl òf un luga públiko i nan no
tin e produktonan ku nan tin mester di dje.
E situashon aki tin komo konsekuensia ku e hende muhé no por saka su máksimo potensial
pa ku nan desaroyo i bida profeshonal laboral.

Esaki ta kontra diginidat humano ku ta un di e pilarnan sólido di nos prinsipio komo Sosial
Demókrata.
Den kuadro di empoderamentu di nos hende muhénan i konsientisáshon di Dia
Internashonal di Higiena Menstrual dia 28 di mei , Ala Femenino di Partido MAN ta bolbe
organisá riba djasabra 25 di mei di 9:30or di mainta pa 12:30or di merdia un “drive thru”na
Sede di MAN Rooseveltweg, kaminda ku sosten di pueblo di Kòrsou nos lo bai kolektá
produktonan di uso pèrsonal pa menstruashon. E “drive thru” lo tuma lugá na sede di
Partido MAN.
Di e manera aki MAN-PIN ke demostrá ku menstruashon no mag di kondusí na miedu,
eksklushon i bèrguensa, pa motibu ku biba ku diginidat durante menstruashon tambe ta un
derecho humano.

Related posts

Aruba a registra un total di 692 caso nobo di COVID-19 a keda registra

EA News Author

Famia ta e base fundamental pa un rehabilitacion di un adicto

EA News Author

Formashon di e gabinete despues di elekshon parlamentario Hulandes mester sosode rapido

EA News Author

Leave a Comment

Whatsapp Message