BonaireFeatured

Anochi ku luna yen 23 di mei 2024 na kunuku palisia na tra’i montaña serka tony angila ku tema ‘bida di kunuku i biba na kunuku’

Luna Yen

Djaweps 23 di mei 2024 tin e evento ‘Anochi Ku Luna Yen’ di 19:00 or – 21:00
or serka Tony Angila na Kunuku Palisia, Tra’i Montaña. Tema di e anochi ta ‘Bida di kunuku i
biba na kunuku’.
‘Anochi ku Luna Yen’ ta un evento ku entre otro deklamashon di poesia, kontamentu di
kuenta den lus di luna. E ta un un evento sosial di pueblo i pa pueblo, pues un i tur ta
kordialmente bonbiní. Ta un di e aktividatnan ku Servisio di Kultura, Arte i Literatura, SKAL,
tin den su agènda kultural.
Hende di Rincon ku tin mester di transporte, por hasi uso di un bùs ku ta sali for di Rincon
18:00 pa buska nan. E bùs akí ta pasa 18:30 na SKAL na Playa, pa sali despues rumbo Tra’i
Montaña. Ta pidi tur esnan ku ke hasi uso di e servisio di bùs, pa reservá na tempu na SKAL
òf yama +599 715 5323. Asina nos por sa kuantu hende mester di transporte.
Manera semper, ta keda liber na kada bishitante pa trese algu di boka dushi pa kompartí ku
otro bishitante. Ta supliká tur hende bini ku nan propio stul. No balotá bo talento i bin
demostrá ku bo por. Nos ta apresiá i respetá tur presentashon pero tin sierto regla sí. Nos no
ta tolerá palabra bulgar, politikeria, atake personal i tur otro kos ku no ta kuadra ku meta di e
evento.
Anochi ku Luna Yen ta un inisiativa ku a nase den pasado for di algun siudadano ku gran
pashon pa nos idioma papiamentu. SKAL ta keda pone énfasis ku meta prinsipal di e evento
ta pa stimulá otro pa skirbi, deklamá, konta kuenta, kanta òf presentá obranan kòrtiku na
papiamentu.

Related posts

Direktorado di Komunidat i Kuido den koperashon ku Plenchi di Trabou a ofresé un treinen na 6 dunadó di trabou.

EA News Author

Gobierno di aruba ta pidi parlamento sosten pa yega na acuerdo cu hulanda (Parti 2)

EA News Author

Soga a comete blunder tras di blunder pa proyecto di hospital

EA News Author

Leave a Comment

Whatsapp Message