FeaturedInternacional

James Finies, Lider di PPU ta lidera Bonaire Human Rights Organization pa Elekshonan di Republika Dominicana komo Obervadornan Internashonal di COPPPAL

James Finies Boneiro

James Finies, lider renombra di Pueblo Progresivo Uni (PPU) a konklui ku eksito un seri di presenatshonan, reunionan I kompromiso ku media eksitosomente na Oropa. Su inkansabel lucha pa derechonan humano, bao di e bandera di Bonaire Human Rights Organization a logra atenshon I rekonosemento internashonal.

Inkorporando e mishon “Bonerian Lives Matter” e organisashon Bonaire Human Rights tabata bon prepara pa embarka riba su proximo trajekto transformativo. Saliendo for di Oropa via Madrid, Spanja, e organisashon a risibi e destinguido invitashon for di e Secretaria de Cooperacion y Asuntos Migratorios di Republika Dominicana. E invitashon aki ta marka un momento historiko komo e organisashon a wordu invita pa fungi komo Observadornan Internashonal di COPPPAL den elekshonan general I presidensial di Republika Dominicana ku a tuma lugar 19 mei ultimo.

E oportunidat signifikante aki a subraya e kompromiso solido di Bonaire Human Rights pa promove derechonan humano I prinsipionan demokratiko riba eskala global. James Finies huntu ku Davika Bissessar Shaw presidente di BHRO, a respresenta e organisashon den e rol krusial aki, solidifikando nan dedikashon na avanse di derechonan humano I prosesonan demokratiko den Karibe I Amerika Latina.

Den un deklarashon, James Finies a ekspresa su gratitut pa e oportunidat, bisando, “ Ku nos ta extremadamente agradesido pa ta parti di COPPPAL su team di Observadornan Internashonal. Ku ta pa prome biaha den historia ku Boneiru a partisipa den un ehersisio manera esaki.”

E kolaborashon entre Pueblo Progresivo Uni I Bonaire Human Rights Organization ta signifika un momento krusial den historia, ya ku ambos organisashonan ta uni den nan mishon di kontribui na e vibrante proseso demokratiko ku ta desaroyando den region.

Na number di e pueblo resiliente I diverso di Boneiru, James Finies ta ekstende su mas sinsero felisitashonan na e Presidente Luis Abinader, pa brasa e momento krusial aki ku optimismo I solidaridat. Tambe e ta felisita e presidente I lider di delegashon di COPPPAL Sr Alejandro Moreno Cardenas I henter e team di Observadornan Internashonal di COPPPAL pa un trabao bon hasi.

Jamis Finies 2Jamis Finies 3Jamis Finies 4Jamis Finies 5Jamis Finies 1

Related posts

Desaroyo di covid-19 den luna november: E mensahe pa henter comunidad ta sigui cuida

EA News Author

Korsou, Aruba I Sint Maarten ta rechaza “dominio Hulandes” I ta join Bonaire ofisialmente

EA News Author

Premier Evelyn wever – Croes: Rapport di nis ta inclui recomendacion pa Aruba mehora riba tereno di Integridad y Transparencia

EA News Author

Leave a Comment

Whatsapp Message