Featured Local Politica

Vision cu ta haci pueblo esclavo di megadebete cu 2044 no ta vision


Gradus di Caft ta confirma cu e “vision” aki lo causa cu pueblo lo cosecha frutanan“acido” pa Aruba!

 

Den e reunion publico di Diahuebs tratando e presupuesto di DOW, Mike Eman manera semper no tabatatin ningun pregunta pa gobierno, no a dirigi su disertacion riba e tema trata y ta keda mustra cu e no tin ningun otro vision cu bolbe endeuda nos pais,si e haya e chens di goberna un biaha mas. Mike Eman den su disertacion tabata gabando cuanto asfalt, klinker, brug y MFA nan e la traha, y keda sin traha na San Nicolaas paso placa, pero cu a hinca pais Aruba inmediatamente den pobresa. Un debe cu pueblo lo mester paga cu orguyo te cu 2044 y cu 7.5 gobierno lo mester trata na goberna cu ne.

 

Ora cu Mike Eman a endeuda Aruba, e la crea e debe di PPP tambe y esakinan mester a cuminsa wordo paga na 2018. Den otro palabra, mientras cu Mike Eman tabata tira cu placa di pueblo, crea deficitnan tur aña entre 170 pa 445 miyon florin y aumenta nos debe nacional cu 2.2 biyon florin den tempo record, e la pone pa paga e PPP proyectonan pa 2018 pa sigura cu esaki no lo cay bao di su gobernacion. Awe, danki na Mike Eman, pueblo mester guli e pilder cu dolor. E dolor y berguensa di debe y pobresa cual ta producto directo di Mike Eman y AVP.

 

Mike Eman gusta referina CAft pa ataca e gobierno actual. Ta Gradus di CAFT a bisa Rene de Zwart den un entrevista exclusivo dia 3 di April 2018 CFT lo siguiente: “Aruba heeft een verkeerd economisch model gehanteerd, (papiando aki di e periodo di 2009-2017,)…om de economie in de recessieve jaren te stimuleren is er door de overheid anticyclisch geinvesteerd. Daarvan plukt Aruba nu de wrangevruchten.”Den otro palabra Mike Eman no a inverti di un forma structural, responsabel, fiscalmente corecto, e la manipula cu cifranan, y ta pesey awor Aruba ta cosecha “frutananacido.” Gradus tabata kiermen cu awor e pueblo di 2018 enadelante lo mester guli e “acides” cu e deben angigantesco y iresponsabel aki lo produci. Debenan cu a hiba Aruba na borde di bancarota y empobrece e gobierno su caha, strobando esaki di por inverti den infrastructura, stichtingnan, proyectonan, un planta nobo pa RWZI, y asina hopi inversion pa resolve problemanan actual di Aruba.

 

Algemene Rekenkamer ta confirma e maneho desastroso aki: ARA su Jaarrekening ta bisa cu na 2016 caba Mike Eman a produci un mega debe di 86.2% di nos GDP. Kiermen nos por imagina cu ora Mike a word cori for di gobiernona 2017, ela laga pais Aruba cu un mega debe di mas di 90% atras. Ainda pueblo por corda con AVP a coi tur computer, laptop, documentonan core Sali for di bestuurskantoor. Niun evidencia nan kier a laga atrás con e desaster financiero di mas grandi den historia di Aruba a tuma lugar. CAFT, LAFT, RDA geplunder cu friends and family segun rapport forensico publica, un refineria cu nunca a habri, corrupción cu terenonan, casonan constant di minister y parlamentario di AVP dilanti corte. Mike Eman a laga pais Aruba financieramente pluma y awor ta kere e tin derecho di papia di pobresa y cu e ta preocupa pa pueblo? AVP nunca mas!

Related posts

Hisa castigonan di delitonan moral, adaptacion di terminonandi verjaring y otro cambionan #926

EA News Author

Mundo y sigur Aruba no ta mes un cos mas

EA News Author

E mayor ta e patronchi di su yiu

EA News Author

Leave a Comment