Local

Volunteer Motor Unit Aruba su prome edicion di Walk & Run 6Km tabata un exito

Volunteer Motor Unit Aruba.3

Despues di 10 aña yudando voluntariamente tur careda y caminata na Aruba pa cu e seguridad di e participante nan ariba ruta, Volunteer Motor Unit Aruba a lanta nan Fundacion oficialmente.

VMU tin como 20 miembro cu tin como hobby core nan Harley Davidson y pasa bon cu otro ora tempo ta permiti. Pero practicamente tur diadomingo mainta tempran na unda cu tin un careda of caminata na Aruba bo ta topa e VMU team. Diadomingo ultimo dia 18 di Februari a toca e biaha aki supervisa nan mesun Walk and Run na Paradera. A dedica e prome edicion di VMU Walk and Run na Jairon J-rod Dania kende ta 1 di fundadornan y a hasi aña ariba e mesun dia. E evento tabata “sold out” cu 600 participante den categoria di mucha, hoben, adulto y adulto mayor.

Competencia tabata fuerte y e ruta cu su reto di subida y biento. Pero cu pasion pa e deporte e participantenan a gosa. E evento a inicia na momento cu a start e careda exactamente 6am cu e zonido di Harley. Pa 7am a start cu e caredanan pa mucha den diferente categoria di edad cuminsando for di 4 aña. Na final tur participante a haya fruta, Gatorade y awa pa refresca, socialisa y saca potret den espera di e
premiacion nan den diferente categoria di edad.

Prome cu e premiacion a cuminsa a duna Jairon J-rod Dania un plakaat como reconocemento pa tur e trabou cu e la hasi for di comienso pa VMU. Tambe a duna un regalo na Madel Jacopucci cu a yuda VMU cu e mercadeo y asistencia den e organisacion. E ganadonan “overall” 6 KM masculino a resulta Jesus Galea y femenino Lana Gobert. Pa resultado por bay ariba www.vmurun.com

Volunteer Motor Unit ta gradici inmensamente tur persona, compania, organisacion nan y demas cu a contribui, yuda voluntario of a sponsor producto of servicio.

Cu boso ayudo y sosten nos como VMU, por a realisa e 1er Walk & Run. Entre otro Aledda N.V., Andina Ice, Aruba Triathlon Association, Believe in yourself Foundation, Bohama N.V., Brandweer Aruba, Caya Grandi Gas Station, Compra N.V., Cruz Cora Aruba, Do It Center, DOW, Ecotech, Guardian Group, High Performance, Hits100 Radio(Aldrich Croes), IBISA, J.P. Visser Orthopedic Technical Center, King Fred and Princess Diana, KPA, Liquors & More, Martijn Trading, Patrishi Sports, Romar N.V., Setar N.V., Sra. Madel Jacopucci, Sr. Andre Geerman, Sr. Eric Gomez, Sr. Glennon Eights, Starbucks, Stern N.V., TEC N.V., Tropical Bottling Company y Wayaca Gas Station. Last but not least miembronan di Volunteer Motor Unit y tur otro voluntarionan cu a yuda. Na boso tur un danki di curazon. Boso aporte valioso y tur e 600 participantenan a haci e evento aki exitoso den su prome salida. Nos di 2 edicion lo ta 2 di Februari 2025!!

Volunteer Motor Unit Aruba.77Volunteer Motor Unit Aruba.325Volunteer Motor Unit Aruba.55Volunteer Motor Unit Aruba.23Volunteer Motor Unit ArubaVolunteer Motor Unit Aruba 1

Related posts

Hasi tèst di NAAT (PCR) 48 ora promé ku salida

EA News Author

Minister Dangui Oduber: Calidad ta resalta riba cantidad den e maneho di turismo

EA News Author

Gobierno ta hisa e bandera di “Sustainable Development Goals”

EA News Author

Leave a Comment

Whatsapp Message