CuracaoFeatured

Zr.Ms. Friesland ta hasi segundo i terser kapturasho di droga

Zr.ms . Friesland

E barku Marinero Hulandes Zr.Ms. Friesland, den un tempu kòrtiku a detektá un di dos i di tres transporte di droga. Tambe el a logra salba un boto, ku Wardakosta Region Karibe Aruba, bou di di guia di Ministerio Públiko  ta bai sigui investigá.  E barku patruyero durante un luna i mei a fòrsa kuater asina yamá ‘go-fast’.

E di dos i di tres kontakto a keda deskubrí pa avionnan di patruya marítimo di Wardakosta Region Karibe huntu ku Wardakosta Merikano (USCG-US Coast Guard). Ku e barku di patruya rápido, FRISC, ku abordo un ekipo kombiná di e tripulashon di barku, USCG i tambe Skuadron di Infanteria di Marina, a pèrsigui e  ‘go-fast’ nan. A konsekuensia di esaki e pasaheronan a disidí di entregá nan mes. Tur e paketenan a keda konfiská i e pasaheronan di e ‘go-fast’ nan a keda detené.

Durante e promé detekshon a konfiská mas o ménos 500 kilo di droga. Tres dia despues na e di dos detekshon a haña i konfiská mas o ménos 350 kilo droga. E boto sospechoso ku a keda salbá pa Zr.Ms. Friesland a keda di tou i hibá Aruba, kaminda a entregá esaki na Wardakosta Region Karibe na Aruba pa mas investigashon. Einan  a haña un gran kantidat di pakete ku posiblemente droga. Zr.Ms. Friesland ta aktivo desde yanuari 2022 komo barku patruyero den region Karibe i ta interkambiá operashonnan anti droga ku sosten na Wardakosta Region Karibe. Na total awor aki tin mas o ménos 1075 kilo di droga ku a keda detektá.

Related posts

Suavisashon medidanan di corona awor ku kontagio ta baha

EA News Author

SEC ta informa comunidad di Saba riba proyecto di energia renovabel

EA News Author

Mirugia De Cuba: Laga un herencia ta importante pero con ta lage structuralmente ta e herment necesario pa e keda existi pa generacionnan

EA News Author

Leave a Comment

Whatsapp Message