Featured Curacao

Zr.Ms. Groningen i Wardakosta ku un kaptura rekert di droga


Mainta tempran di dia 10 di ougùstùs Zr.Ms. Groningen, na e momentunan aki
nabegando pa Wardakosta Karibe Hulandes, riba indikashon di Sentro di Operashon
Marítimo (MOC) di Wardakosta, a detektá un go-fast. E botonan rápido di detekshon
(FRISC) di Zr.Ms. Groningen a keda lansá pa stòp e boto sospechoso. E
sospechosonan a tira tur kontrabanda for di e boto. Una bes ku nan tabata den banda di e boto, a duna un señal pa stòp i e sospechosonan a entregá nan mes. E paketenan ku mas o ménos 550 kilo, di kual 100 kilo di mariwana i 450 di kokaína seguidamente a keda saká for di laman.

Na final di e akshon den oranan di mainta, Sentro di Operashon Marítimo di
Wardakosta a mira un boto sospechoso mas. E biaha aki tabata trata di dos boto
sospechoso. Zr.Ms. Groningen mes ora a nabegá bai na e lokalidat di e botonan
sospechoso. Ambos boto sospechoso tabata banda di otro den laman, pa asina nan por a yena gasolin. Un di e go-fast nan tabata kargá ku bari ku gasolin na bordo. Mes ora ku e botonan sospechoso a ripará ku e barku di marina tabata nabegá bin riba nan, nan a tira tur kontrabanda den un boto i a purba hui bai ku e otro boto. E botonan FRISC rápido di Zr.Ms. Groningen a keda lansá i a kuminsá ku un persiguishon. Zr.Ms.

Groningen seguidamente a tuma e boto ku a keda atras ku e kontrabanda den su
poder. E sospechosonan ku a hui no a reakshoná riba señalnan pa stòp ni tirunan di
atvertensha. Despues di esaki e motor di e go-fast a keda desaktivá i e go-fast a stòp
den laman. E 8 sospechosonan a keda detené i trasladá riba e barku di Marina Zr.Ms.
Groningen. E karga ku a keda atras di kontrabanda a resultá di tabata mas o menos
2300 kilo kokaína.

En korto, djarason 10 di ougùstùs un biaha mas tabata un dia eksitoso. Ku un biaha
mas un rekert nobo. Zr.Ms. Groningen, nabegando pa Wardakosta Karibe Hulandes,
riba e dia ei a detené un total di 13 sospechoso i tuma na bordo mas o menos 2900 kilo di kontrabanda. E kontrabanda i e sospechosonan a keda entregá na Kuerpo Polisial di Karibe Hulandes (KPCN) na Bonaire. Total na kontrabanda konfiská pa Wardakosta Karibe Hulandes ta yega awor un total di mas o menos 8.500 kilo.

Related posts

Den 2020 Aruba a bebe casi 50 miyon florin na alcohol

EA News Author

Parlamentario Rocco Tjon : Nos mester cuminsa pensa pa re activa nos economia

EA News Author

Policlinica di Urologia a logra hopi avance den cuido pa pashent

EA News Author

Leave a Comment