Pakico un Diagnose Confiabel ta Ecencial?
Sa di pasa cu nos Adultonan Mayor ta ricibi un diagnosis di “Alzheimer Dementie” y no sa di kico ta trata of NO ta haya suficiente informacion di kico ta spera nan of con ta sigi. Sa pasa tambe cu e pashent no ta ricibi un diagnosis por escrito,tampoco ora e pidi pa esaki. Tambe tin e tendencia di pospone e diagnosis, sin haci esfuerso pa busca e posibel motibo di e malesa y ta warda te ora cu e malesa a progresa pa yega na un conclusion. Mientrastanto e pashent ta haya e conseho pa bay un Pasa Dia unda cu e ta obliga di comporta su mes nechi y obedecido, sino e famia ta wordo jama pa bin busca e ser keri aki cu e mensahe cu NO ta wordo permiti pa bolbe e facilidad aki. Esaki ta sucede ora Sintomanan ta leve ainda. Si e funcionnan empeora, e pashent ta wordo conseha pa bay un cas di cuido. Y esaki ta bira su destino final?
Consecuencia di No Ricibi un Diagnosis Cognitivo Confiabel
Consecuencia di no ricibi un Diagnosis Cognitivo Confiabel, lo por tin diferente consecuencia negativo importante, por ehempel:
Perde oportunidad di tratamento oportuno y apropia. Esaki, riba su turno, por conduci na un Deterioro continuo, Empeorando e sintomanan.
• E Deficiencia of Trastorno Cognitivo mes por afecta e Funcion Fisico, manera Equilibrio y Mobilidad. E falta di un Diagnostico Confiabel por hasta Retrasa Intervencion Medico cu por a preserva e funcionnan aki y preveni caymento y otro lesionnan.
• Tambe por causa: Daño Psicologico, trese mas peso pa e cuidadonan, Consecuencia Financiero y Retraso den e Plannan di e pashent mes y su famia.
• E falta di un Diagnosis Confiabel, claro por causa tambe Sentido di Culpabilidad of Frustracion cerca esnan cerca di e persona ora cu e comete erornan door di su Incapacidad / Deficiencia Cognitivo, loke ta aumenta e sensacion di aislamiento y incomprension.
• E incapacidad pa comprende y haci algo cu e problemanan causa pa condicionan cognitivo tambe por reduci e capacidad di un persona signitivamente pa por participa na actividadnan diario, loke ta genera frustracion y menos calidad di bida. Y hasta tin biaha ta wordo exclui pa esaki.
• A lo largo, e falta di diagnosis por dificulta e Funcionamento Diario, Reduci e Calidad di Bida di un persona y provoca un Sufrimiento Evitable y Un Desconfianza Grandi Den e Atencion Medico. Esaki tin Consecuencia Pa e Persona, Su Famia Y E Publico En General.
Pa yega na un Diagnosis Confiabel di un Trastorno Neurocognitivo, ta Esencial haci un Evaluacion Clinico Intensivo. E evaluacion aki ta ensera:
➢Un historia detaya di un informante confiabel of un cuidado, tambe di un combersacion cu e doño di curpa mes. Semper teniendo na cuenta su idioma y cultura.
➢Un examen/evaluación/ Screening di e estado mental, utilisando testnan cognitivo manera MoCA of MMSE pa establece un base, y
➢Examen Neuropsicologico, inclusivo MRI (Neuroimaging) y testnan di Laboratorio pa identifica e causa principal.
Ta consehabel pa haci un evaluación tempran ora tin Cambionan Cognitivo, di Conducta of Retraso Funcional. Ta importante pa comprende cu un Trastorno Neurocognitivo (Mayor of Leve) ta un terminología cu por ensera diferente Causa di un Condicion, incluso Condicionan Reversibel como esnan Irreversibel /Degenerativo, Esaki pa determina un Tratamento Adecua.
Pakico Un Diagnosis Neurocognitivo Diferencial ta Necesario:
• Pa garantisa Un Diagnosis Preciso y Confiabel di un Condicion Cerebral, manera di un Trastorno Neurocognitivo of Lesion Cerebral Traumatico,
• Esaki lo yuda pa distingui un enbehecimento normal of otro trastornonan manera depresión,
• E ta duna entreotro
1. información crucial pa un Plan Di Tratamento,
2. Pa Monitor e Progreso di e Condicion/Malesa,
3. Pa diferencia un Trastorno Neuro-Cognitivo Mayor of Leve di otro Condicionan
4. Pa mehora e calidad di bida,
5. Pa tin un base pa Comparacion den Futuro.
Pa mas Informacion Tocante Diagnostico Confiabel y Etico, un Segundo Opinion, y pa meldo un Abuso Contra Adulto Mayor di tur Indole; Acudi na Fundacion Alzheimer Aruba (FAA).
Telefoon: 5928416
E-mail: alzheimeraruba@gmail.com