ORANJESTAD,Aruba
Parlamentario Endy Croes ta di opinion cu e crisis aki a siña nos hopi cos. Apesar cu temponan duro nos dilanti nos tin e Fe y speransa cu nos lo sali fuerte for di e crisis aki pero alaves e lo tuma su tempo.
// Importa galiña y carni mas barata for di Brazil y Colombia:
Aruba su maneho riba importacion di carni y galiña ta basa riba standard Europeo esta e European Standards. Berdad ta trata di un standard hopi halto pero alavez cu ta hopi costoso pa e slachthuizen por cumpli cune consecuentemente esaki ta aumenta e prijs di tanto carni y galiña. Parlamentario Endy Croes ta boga fuertemente cu den crisis nos mester mira tur oportunidad na benificio di pueblo y juda jega na un maneho cu lo redusi prijs di comestibles, carni y galiña cual lo ta ideal pa pueblo. Pues desviando di e EU Standard por logra redusi e prijs di por ehempel galiña cu minimo 20% pa pueblo. Tin otro slachthuizen na Brazil cu ta cumpli cu otro standard ( no EU) kendenan ta exporta pa masha hopi pais rond mundo. Mescos e pensamento ta alrespecto carni di Colombia pues kita e EU standard pa logra prijsnan hopi mas ventahoso pa pueblo. Actualmente nos pueblo mester come na prijsnan accesibel.
// Permito barco descarga comestibel na waf na playa:
Banda di tur esaki tin un debate publico con por ehempel ASTEC ta influencia e prijs final di comestibel den supermercado. Como cu e prijs pa handling di container ta hopi halto esaki ta wordo doorbereken finalmente pa e pueblo y ta notable riba shelf na supermercado. Parlamentario Endy Croes ta di opinion cu den e momentonan aki nos mester redusi e prijs final di comestibles riba shelf pa comunidad. Peticion na gobierno pa habri e WAF na oranjestad y laga por ehempel barconan roll on roll of trese containernan cu comestibel hopi mas barata. Pues ban hunto duna e 25 mil mama y tatanan cu a perde trabou e ayudo cu nan merese. Solidaridad mester ta amplio y ningun Ley of contract por para riba e ser humano cu mester ta central by all time. Hunto cu esaki Parlamentario Endy Croes a hasi caba apelacion na tur supermercado ( 90% nos rumannan chines) pa coopera cortando 10% di nan ganashi riba comestibles pa asina pueblo por sinti den nan cartera realmente e rebaho y por afford comiendo decente. Esaki ta keda e plegaria di Parlamentario Croes y ohala e crisis aki siña nos tur desde e homber mas chiquito te na esnan m,as grandi mira tur cos diferente. Saca man pa Bo ruman!
