ORANJESTAD,Aruba
Bo ta bay Hulanda na Juli pa sigui studia? Anto bo mester carta di buena conducta (VOG, Verklaring omtrent het gedrag). Pa inscribi bo mes na Hulanda bo tin cu mustra bo VOG.
Bo por aplica pa bo VOG dor di manda un e-mail pa info@omaruba.aw, mencionando bo nomber, adres, y number di telefon, como tambe e motibo dicon bo mester un VOG. Bo ta attach bo paspoort of otro ID valido.
Si bo tin un papel di 5 florin di Censo, aunke e ta caduca, bo por attach esey tambe. Sinembargo, e no ta obligatorio! No ta necesario pa bo bay pidi un papel di 5 florin especialmente pa esaki.
Despues cu Ministerio Publico haya bo e-mail, lo manda bo un e-mail cu e fecha riba cual bo por bin busca bo VOG. E gastonan ta 40 florin. E decision ta tuma dos siman, pues no warda mas pa aplica.