ORANJESTAD, Aruba
Dia 31 di juli 2020 ta e fecha final pa dunado di trabao entrega e lista colectivo di salario (verzamelloonstaat of “VZL”) y e lista colectivo di pago na tercera persona (verzamelstaat opgaaf derden of “VOD”) di aña 2019.
Entregamento di e listanan aki lo no ta posibel den forma di papel of USB stick mas. Awor solamente por entrega esakinan den forma digital via e portal online “BO impuesto”. E lista colectivo di pago na tercera persona (VOD) ya ta disponibel den “BO impuesto”. E lista colectivo di salario tambe lo ta disponibel na comienso di juli proximo. Keda sin entrega e listanan menciona por resulta den un cobransa adicional (naheffingsaanslag) y un boet. Un apelacion ta bay na tur dunado di trabao cu ainda mester cumpli cu entregamento di e documentonan di aña 2019, pa no sigui pospone esaki. E boet pa incumplimento ta maximo Afl. 10.000 y esaki no ta necesario si cumpli cu e entregamento na tempo.
Gerencia di Departamento di Impuesto
22 di juni 2020