Eric Garcia di 81 ana di edat eks director di Girobank, a wordu sentensia atrobe na 4 ana di prison na hoger beroep. Tambe e mester paga 19 mion florin. Si eno paga esei e lo keda 3 ana mas den prison. Segun hues, Garcia a deposita 19 mion florin riba su kuenta na 2016 komo failisiment curator di Banco di Caribe I despues a entrega documentunan finanserio falsu na e hues di instrukshon. El a wordu kondena pa malvershon, falsifikashon I labamentu di plaka. Ultimo lunanan e tabata sinta su aresto na kas pa motibu di salu,pero hues a dikta ku awor aki e mester bai prison bek.
Segun Korte, Garcia a abusa di su posishon I tambe e konfiansa di un kurator dor di transferi un kantidat di mas o menos 11 mion dollar for di e kuenta di bankarota di e banko pa otro kuenta di bankonan
Korte ta rekonose ku e sospechoso ta di edat I ku eta konfrontando probelmanan mediko, pero esaki no ta stroba ku e sospechoso lo no wordu detene. E sospechoso I fiscal tin 14 dia pa presenta un rekurso di kasashon na tribunal supermo di Hulanda.
1 comment