Pa prome biaha for di mitar di September, Hulanda a registra menos morto siman pasa, asina ofisina di CBS di Hulanda a duna di konose.
Edi 8 siman di 2021, un promedio di 3,200 hende a muri na Hulanda. Esaki ta 300 hende menos ku den siman shete i 200 menos morto ku CBS di Hulanda a spera pa e periodo aki basa riba e periodo di ana pasa
E kantidat di mortonan bou di personan riba 80 ana I personanan den kas di kuido a baha drastikamente, esaki debi ku e gruponan aki ya a wordu bakuna. Sociologo di CBS Hulanda Tanja Traag a bisa ANP ku ahinda no tin un sufisiente prueba ku por bisa ku e programa di bakunashon a baha e kantidat di mortonan relata ku coronavirus, pero lo ta logiko ku un kos tin di haber ku e otro.
E evaluashon di CBS Hulanda ta basa riba e raport di e kantidat di mortonan ku e ofisina ta risibi diariamente. E raport aki no ta inklui e kausa di mortonan, esaki ta wordu manda despues. RIVM a raporta 205 morto relata ku corona virus. E cifra aki lo por ta mas haltu debi ku no ta tur kaso a wordu diagnostika ofisialmente.
For di October ana pasa un total di 13 mil Hulandes a muri di COVID 19.
1 comment