Salmo 46:1 ta bisa : Dios ta nos refugio y fortaleza,un pronto auxilio den tempo di angustia.
Salmo 121:1+2 ta bisa : Lo mi halsa mi wowonan na e seronan for di unda mi yudansa lo bini? Mi yudansa ta bini for di Señor kende a traha cielo y tera .
Isaias 41:10 ta bisa : No tene miedo pasobra Mi ta cu bo, no desmaya pasobra Mi ta bo Dios, Lo mi fortalesebo , si lo mi yudabo, si lo Mi sostenebo cu mi man drechi di husticia .
Nos tur tin di reconoce nos necesidad di Dios den nos bida awor aki mas cu nunca, tin hende ta solamente den momento di urgencia, nan ta corda riba Dios, y tin hende cu hasta den momento nan hopi delicado manera nos tur ta pasando den dje ta keda den nan cabesura y rebeldia.
Aunke personalmente bo no ta malo, haci oracion pa bo prohimo y Dios lo scucha.
Pasobra si un hende no ta kere , ni tampoco respeta/ acepta Cristo Hesus como nos Señor y Salbador e ta den desobedencia / rebeldia y ta cay den liña di anti cristo, asina serio e asunto aki ta .Y esaki no ta religion, pero e ta asunto di relacion cu Dios.( 1 Juan capitulo 4 vers 1 te cu 6) ( 2 Juan vers 7).
Maske cuanto ciencia, idolatria y bruheria por aumenta, Dios ta keda Todopoderoso, pasobra keto bay ora algo sosode e prome nomber cu ta wordo menciona ta esun di Dios.
Nos mester uni den oracion, pasobra e situacion aki ta conta pa nos tur, tanto como pa nos salud na prome lugar, y tambe pa nos pais, lagando tur asunto di politica y otro interesnan afo.
Beibel ta siña nos cu den tur momento nos ta bon bini serca Dios, y cu no tin mester di haci afspraak, pasobra Dios tey 24/7 pa tur hende, pasobra Dios ta fiel y berdadero.
Dios tin tur autoridad y poder riba e mundu aki, Cristo Hesus a bisa cu tur autoridad a wordo duna na Dje tanto den cielo como riba tera,
Pesey tur locual nos pidi Dios den nomber di Cristo Hesus nos lo hanje.
Y nos yuinan y nos famia mester sa di esey, pasobra si tabatin un momento cu nos tur ta mira cu nos mester di Dios, ta awor , pasobra ta solamente Dios por duna nos cuido y salida for di locual mundo henter ta pasando aden.
Na Dios tur e Gloria y laga nos tur hisa nos cara na laira y yama riba e nomber di nos Dios Todopoderoso y Dios lo scucha nos.
Sinceramente