Cu e articulo aki ami, Addonsito Croes, ta gradici EZ Party Solutions pa e confiansa di tawata e MC principal pa nan 3 evento grandi e siman cu a pasa.
EZ Party Solutions bao guia di Imelda- y Patrick Geerman, a sa di yena Cas di Cultura cu 3 sala yen. E tema tawata “Encanto and Friends”. Artistanan invita manera John-Paul Rapista, NTG Dancers, Youth in Action y Chaz Models y Dancers, a pone un y tur disfruta inmensamente. Ademas EZ Party Solutions a presenta e figuranan di Disney esta Donald Duck, Goofy, L.O.L, Chipmunks, Mieckey Mouse, Paw Patrol, Monster y Sponge Bob. Tambe e crew di e pelicula exitoso Encanto a duna tremendo presentacion.
Un trabao enorme di bon preparacion a resulta den e evento mas colorido y exitoso e aña aki. Hopi pabien y keda pendiente pa e siguiente show di EZ Party Solutions.
