Tawata dos anochi “sold out”, “full house”. E curason y motor inspira tras di e fantastico comedia “Amiganan pa semper” sra. Farritah Luydens ta hopi contento y orguyoso sigur. E publico presente a goza for di cuminsamento te fin. Un sin fin di harimento pa e tremendo actuacion di cada un di e actor y actrisnan, algun di nan cu nan debut den un comedia asina bunita hinka den otro. Esnan cu tawatatin stress por a bay cas bek sin stress. Ni e airco di Cas di Cultura cu no tawata friando mucho bon, no a stroba e publico di goza di e comedia aki, cu segun Lady Ruth y mas hende ,por bay present’e na nos rumannan isla Boneiro y Corsou y of Hulanda. Manera nos bunita Maybeline Arends Croes a bisa Lady Ruth den nos comentario intercambia despues di e dushi comedia aki, e tawata tin cosnan “hot” aden, den e vocabulario, pero no vulgar . Ta expresionnan criollo na nos dushi idioma Papiamento. E 5 amiganan pa semper, Sofia, Paula, Glenda, Marilou y Eluisa ta sinonimo di hopi hende muhe cu tin amistadnan cu otro hende muhenan di tur edad, den e caso aki di edad 50 bay ariba, cu por y ta pasando den situacionnan similar of diferente, y por identifica nan mes cu otro. Amiga den bon y den malo. Nos a keda masha impresiona tambe cu e actuacion debut di nos amigo, e gran artista cantante Edjean Semeleer di Go Cultura como Jorge cu su rol “kort maar krachtig” . Demonstrando pues su talento fantastico den actuacion. Pero no ta Edjean so, mi gran y bunita amiga cantante Nilka Franka kende tambe a hasi su debut den actuacion a conquista curasonnan den publico sigur sigur, no unicamente pa cu su bunita bos sensual, pero cu su manera natural di actua, papia, move etc.el a carga e show den su forma unico di actua. E decor tambe tawata impactante, entre otro esun di e cementerio, ora Sofia mester a hiba e “urn” cu e sinishi di su Mama Bertha aden ariba comando menasante di Jorge, den cual e placa tawata hinka, horta probablemente, cu Jorge a sconde pa drenta Colombia cu ne,na unda e 5 amiganan a bay, companjando Sofia pa bay tira e sinishi na e lugar na unda su mama a nace. Ta hopi preparacion y tempo di training hinka den e comedia aki y ela duna su fruta sigur den su exito grandi.
Despues di e comedia cu su elenco a ricibi un “standing ovation” bon mereci, e publico por a saluda y felicita cada un di e actor y actrisnan den e foyer di Cas di Cultura, saca potret y socialisa un crenchi.
Nos tawatatin e suerte di por a hanja e oportunidad di a bay “back stage” prome cu e show a cuminsa pa saca algun potret ora nan tawata preparando pa cambia panja pa subi stage.
Nos ta gradicido pa e oportunidad ey, pasobra, nos no ta saca potret mientras nan ta actuando pa no perde nada di nan papia y of actuacion. Danki na Farritah cu nos “sissen groep” por a sinta riba e di 3 rij dilanti pa asina apoyele cu su exitoso comedia “Amiganan pa semper”.
Sis Farritah, masha masha masha pabien cu bo exitoso comedia. Bo a demonstra bo talento multifacetico un biaha mas den un projecto grandi cu ayudo di bo elenco, bo sponsernan manera Unoca ,Go Cultura y demas sponsernan. Abo como actris y artista grandi di Aruba, abo, como Tica basha bao, abo como esposa di Jan un hulandes cu su curason mitar arubiano colombiano y abo Farritah, como mama di bo dos prinsesnan Lukee y Farilene ,bo prins Jason cu tambe a shine den su bon actuacion y bo nieto stima “kleine Jason”. Abo, un amiga pa semper den nos bunita sis groep. Abo, un hende muhe fuerte y talentoso y bendiciona.
Sis Farritah, you’re the blessings . Pabien sis Farritah, pabien y mas pabien ! You rock girl !
E dinamico team di “Amiganan pa semper” a celebra despues patras den e sala banda di e stage nan exitoso anochinan cu lekkere broodjes hapjes en drankjes, traha y prepara pa Farilene mes, yui muhe talentoso di Farritah, cu caranan y curason contento. Lieve mensen, danki pa lesa nos relato, stay safe y love you too !
