Secretario di estado pa finansas di Hulanda y Aukje de Vries tabata na Boneiro y den conferencia di prensa a elabora riba e reunion cu e tabatin cu Aduana. Segun e mandatario un dia ta mucho corto pa wak tur sorto di cos riba e isla bunita di Boneiro, pero e biaha aki ta trata di e aduana, pero tambe pa por ehempel papia cu e mayornan cu ta pasa duro na Boneiro.
Lamentablemente tambe na Boneiro mayornan cu a perde nan casonan den e asunto di subsidio debi na e erornan di e agencia di impuesto y tambe door di e politica di fraude di mayornan mester keda atendi. Secretario di finansas di Hulanda Aukje de Vries ta duna di conoce cu e ta contento di por a papia cu algun di e mayornan aki pa wak con nan ta bayendo, pero nos ta purba di duna mayornan mas tanto posibel e apoyo y e mesun ayudo cu nan lo duna na Hulanda na e mayornan.
Ta impresionante kada bes y tambe ta impresiona profundamente ora bo tende nan cada un di nan nan historia y cuanto sufrimento e asunto di pago a causa cada un di e mayornan aki.
Secretario di estado pa finansas di Hulanda y Aukje de Vries ta kere cu ta importante pa wak con por fortalece e cooperacion entre e diferente islanan y paisnan di e grupo di islanan y tambe e islanan cu ta trata otro.E di dor reunion cu a tuma luga ta cu e departamento di aduana Hulandes pa asina por traha hunto, na un bon manera. Mi ta kere cu ta hopi importante pa nos reforsa control di frontera tambe pa proteha e isla.
Segun Secretario di estado pa finansas di Hulanda y Aukje de Vries tin un problema hopi grandi den Hulanda ora ta trata di criminalidad, pues nos tin un enfoke fuerte tambe riba e parti aki pa Boneiro. Ta purba di trata e situacion di trafico di droga, pero no por haci esaki nos so, y mester di otro paisnan den Sur America, pero sigur aki na Boneiro tambe, pero tambe e otro islanan manera Aruba y Curaçao, pa wak con nos por trata cu informacion y intercambio di informacion.
1 comment
[…] Source link […]