E komunidat vibrante di Boneiru ta keda invitá pa djòin e festividatnan na nos selebrashon di World Wetlands Day/Dia Mundial di Área Akuátiko riba 2 di
febrüari. E selebrashon akí lo tuma lugá na Wilhelminaplein di 6:00 pa 9:00 PM, i lo trese huntu organisashonnan lokal pa presentá nan konekshon ku área akuátiko i e balioso trabou pa preservá nos áreanan akuátiko presioso.
E tema di e aña akí ta, “Wetlands and Human Wellbeing” /Área akuátiko i bienestar di Hende ku ta enfatisá e konekshon esensial entre e ekosistemanan úniko akí ku e komunidatnan ta dependé di nan. Bishitantenan ta haña e oportunidat pa hasi kontakto ku e organisashonnan dediká ku ta biba den e áreanan akuátiko i ku ta forma parti di e mundu di área akuátiko, i ku ta kontribuí aktivamente na e maneho duradero di konservashon di Boneiru su áreanan akuátiko.
Detayenan di e evento:
Fecha: 2 di febrüari
Orario: 6:00 PM – 9:00 PM
Sitio: Wilhelminaplein, Bonaire
Profeshonalnan lokal di naturalesa i organisashonnan sosial lo ta presente pa kompartí nan konosementu, eksperensia i inisiativanan dediká na protekshon di e áreanan akuátiko. Banda di tur e aktividatnan festivo, lo tin ademas músika en bibu di e grupo di Hòfi Kultural i Luis Moka & i Palu Grandi.Meta di e selebrashon ta pa hisa e konsientisashon tokante e importansia di áreanan akuátiko i nan ròl importante den mantenshon di biodiversidat, sosten lokal di duna un pan na famia i proveé servisionan di ekosistema esensial.
E evento ta primintí di krea un meskla di aktividat di desplegá informashon, aktividat interaktivo i oportunidat pa miembronan di nos komunidat haña kontakto ku personanan pashoná ku tin ideanan idéntiko i hiba kombersashon tokante medioambiente. Sea ku bo un persona entusiasmá, un studiante òf un siudadano preokupá, tin algu presente pa tur hende na e selebrashon akí di Dia Mundial di Área Akuátiko Internashonal.
Pa pregunta òf informashon mas ayá pa medionan sosial, por fabor tuma kontakto ku: Sabine Engel na sabine@mangrovemaniacs.org