Den careda di 10:50 central di polis na Curaçao a haya notificacion for di un persona cu tabata pasando riba e caminda di Bandabou Watamula a topa un curpa sin bida. Mesora a manda patruyanan na e sitio y berdad a bin encontra un curpa sin bida. For di e investigacion preliminar cu ta tumando lugar na e momentonan aki ta trata di un curpa di un hende muhe cu tin muestra di violencia riba su curpa. Dokter a yega na e sitio pa asina constata morto di e persona. Team di investigacion y tecnico ta investigando na e sitio. Riba ordo di fiscal di ministerio publico e curpa a keda confisca pa mas investigacion. Autoridadnan a haya e curpa den un saco di sushi lora y benta canto di caminda.Segun vocero di polis di Curaçao autopsia lo wordo haci cu e curpa pa asina constata di kico realmente e persona a muri, sea door di e golpinan of pa otro motibo.
Caso di asesinato na Bandabou watamula na Curacao
