Hamber y poder ta hunga un rol hopi grandi den nos comunidad, sinembargo na momento cu bo ta cana cu ley y husto bo por pasa den olanan grandi y fuerte pero no ta wordo tumba. Cu esaki por a tuma nota cu den comunidad tin diferente politiconan ta contradeci otro pero e refleho di e realidad ta sali y e cara berdadero di e politico ta sali tambe. Tin dos caso ultimamente cu a tuma luga y cu fuertemente ta mira kico ta loke e incapacidad y e ansha pa poder ta haci cu mente di politiconan.
Si nos mester mira den e caso di Emmbassy Suit ta increibel pa mira cu te na final ainda cu hues ta dicta un sentencia e politico cu a sali di un hotel y bira minister den un solo shot ta ilustra e incapacidad y inmadurez di goberna, ta crea blunder tras di blunder y ta sali mane chapolin Colorado y ta desmenti tur cos pa mustra bon siendo conscientemente e sa cu e ta robes, kico kier bisa cu esaki ? kier influencia pueblo di Aruba, of ta kere cu pueblo di Aruba ta bobo?.
Na mes momento tin un otro politico cu a sconde pa su hefe di trabou cu ta parlamento di Aruba cu e tabata sospechoso pa mas cu 2 aña y tabata burla di e sistema y ta bula cu delegacionnan bay atende reunionnan importante representando Aruba siendo tabata sospecho, un falta di respet pa pueblo di Aruba y esaki ta un muestra cu Marisol Tromp no ta hende limpi y no ta di confia.
Politiconan Hulandes inocentemente no tabata sa cu nan ta deal cu un sospechoso di husticia e tempo ey den un termino largo , un movecion teroristico y bergonsoso pa Aruba. Marisol Tromp ta un mal voorbeeld pa Aruba.
Na mes momento e politico ta grita di otro banda trece un confusion den comunidad cu Aruba lo ta pronosticando eleccion caba y ta compara eleccion di Aruba lo bay ta den e direccion di eleccion di Venezuela cual cu no ta cuadra cu berdad , pero e politico su sed pa poder ta asina grandi cu ya caba a cuminsa papia wartaal.
Marisol ta duna di conoce cu prome minister mester laga pueblo dicidi den eleccion, pero e realidad ta cu netamente esey ta loke prome minister a duna di conoce cu mester warda resultado di eleccion pa mira kico ta loke cu pueblo ta dicidi , dus por mira claramente cu Marisol Tromp ta contradeci su mes y ta papia wartaal.
Un ola di politiconan cu berdaderamente no kier e pais aki na pecho y no ta mira Aruba como prioridad, pero nan mes y e ansha pa poder.