Na Cede di MEP tabatin un anochi hopi special unda cu a duna homenahe na Juan Andy Thijsen, un bon persona, un gran politico, amigo, consehero cu despues di 20 aña den politica ta pone un puntro tras di su carera como politico. Lider di partido MEP Evelyn Wever Croes a pidi Ady Thijsen pa considera cu tras di final di su carera politico no tin un punto pero un coma pa sigui duna su experticio y su consehonan ora cu tin mester. Ady Thijsen ya caba a compromete su mes ki ayudo cu MEP tin mester e t’ey pa sigui duna su aporte na bienestar di Aruba.
Ady Thijsen a subi riba lista di MEP 20 aña pasa y a sirbi diferente posicion trahando pa Aruba y tur e la haci den un bon forma. Na su despedida na Hulanda por a mira e bunita conexion cu Ady Thijsen a haci cu Hulanda y cu e ta aprecia tambe. E politiconan di Den Haag tambe a traha hopi bon cu Ady Thijsen den su carera na Hulanda, pero tambe embahadornan , consulnan.
Lider di MEP ta kere firmemente cu Ady Thijsen no solamente a traha relacion , pero e la crea brug pa Aruba. Sinembargo te ainda ta lamenta cu no tin un minister plenipotenciario ainda na Hulanda pa Aruba y esaki ta pone cu Aruba ta perde hopi oportunidadnan.
Importante pa Aruba keda semper cu e bon relacion cu Huylanda y Minister Ady Thijsen a percura pa esaki y a haci e na un bon forma tambe. Pesey mes e gran famia di MEP a bini hunto pa duna homenahe na Ady Thijsen cu a haci un tremendo trabou pa Aruba den politica.
Danki pa sirbi movimiento Electoral di Pueblo MEP pa 20 aña y danki pa sirbi Aruba na e forma cu a hacie