E grupo di proyekto Mesa di Klima Boneiru ta trahando riba e Plan di Klima Boneiru: un plan ku den e añanan binidero mester protehá nos isla mas mihó kontra e konsekuensianan di kambio di klima. Pa desaroyá e plan akí huntu ku nos komunidat, durante e lunanan tras di lomba ampliamente a buska input serka studiantenan i organisashonnan, i durante seshonnan den bario ku habitantenan.
Awor e momentu a yega pa enbolbí sobrá di nos komunidat aktivamente. Pa e motibu akí e grupo di proyekto ta kuminsá ku un enkuesta online, kaminda tur hende por kompartí nan opinion, nan preokupashonnan i nan ideanan.
“Nos ke inkorporá mas tantu perspektiva posibel den e Plan di Klima. Kada vishon ta konta. Pa e motibu akí nos ta hasi un yamada riba partikularmente e habitantenan ku anteriormente no tabata enbolbí ainda, pa duna nan opinion via e enkuesta,” segun presidente di e grupo di proyekto Nolly Oleana.
E enkuesta ta disponibel pa tur hende ku ta sinti nan mes enbolbí ku Boneiru su futuro i ku tin sierto ideanan tokante temanan manera adaptashon na klima, naturalesa, maneho di awa i infrastruktura.
Na luna di òktober 2025 Mesa di Klima ta organisá un enkuentro pa presentá loke e trayekto akí a produsí. Durante e enkuentro akí nan ta presentá tambe un intenshon di klima: un direkshon konhunto ku e puntonan di salida mas importante pa un Boneiru resiliente pa klima i habitabel. E intenshon akí ta forma e base pa e Plan di Klima final.
E enkuesta ta disponibel for di awor via https://forms.gle/vfXF3Yjeq5Kdaz888.
Nos isla, nos responsabilidat!