E fin di siman aki, Ethuriel Nicolaas lo tuma parti den e prestixioso MOD Race #5 “Championships Final” na Antioch, California (USA). E kompetensianan ta tuma lugá na DeltaRC i ta reuni hoben i eksperto di Offroad RC di mundu entero.
Nicolaas lo parti sipiá den varies kategoria: 1/8 Eléktriko, 1/5 Buggy/Truck i tambe den 40+ klas, demonstrando asina su versatilidat den e deporte di karrera RC ku ta sigui krese rápido.
Awe, e ta sali for di Boneiru, via Miami pa San Francisco, pa sigui viahe pa Antioch, kaminda e final lo tuma lugá e fin di siman aki.
Ethuriel ta ekspresá su agradesementu grandi na tur sponsor i supporter ku a hasi posible e biahe aki: Indebon Bonaire, Gobiernu di Bonaire, Stulz, ClimateCoating, RC Bonaire Raceway, Tourism Corporation Bonaire, PrintFactory Bonaire, DRT Racing, MOD (Matt Olson Design), Luke Lystrom, Bartolone Racing, Vroom & Friends, su tata i mama, su kasa i yui nan.
“Ta un grandi honor pa representá Boneiru riba e podio internashonal aki. Ku mi participashon mi ke no solamente logra bon resultado, sino tambe mustra ku nos isla tin su lugá den mundu di Offroad RC,” segun Nicolaas.
