Y a bira un custumber cu Iglesia Pentecostal di Aruba lo tin su Clothes Donation Day , y esaki lo tuma lugar Diasabra awor 13-12-2025.
Cuminsando for di 7am te cu 3pm, y lo tuma lugar den edificio di Ibero High School, dilanti di Macro Supermarket na San Nicolas. Dr Scheapmanstraat 14.
Tur locual nos tin lo wordo duna Gratis na e pueblo, tanto panja nobo, como husa, cos di hunga, articulo di cas , tur locual nos hanja den bon condicion, nos por duna.
E dianan pa entrega panja den bon condicion y articulonan lo ta:
Diamars 9-12-2025 for di 6pm -9pm.
Diarazon 10-12-2025 for di 5 pm pa 7pm.
Diabierna 12-12-2025 for di 6pm – 9pm.
Diasabra 13-12-25 for di 9am -12or di merdia.
Un suplica ta bay na tur hende, pa entrega panja y articulonan limpi y no panja kibra pa asina por wordo husa, ya cu e necesidad ta grandi, y e amor mester prevalece, door di demostra amor na bo prohimo mescos cu bo mes.
Manera semper nos lo tin Soppi Gratis pa tur esnan cu alcansa, como un aprecio, cu nos tey pa tur hende , no solamente pa e pueblo di San Nicolas pero pa henter Aruba.
Henter Aruba ta keda invita , trece henter bo famia pasobra nos tey pa sirbi boso.
Skirbi pa Pastor Marcel Balootje.
